Ravshan Ermatov: "Osiyo chempionlarimiz va faxriy futbolchilarimizni doimo yodda tutamiz"

"O'yin chiroyli tarzda o'tdi. Yurtimizda futbolni ommaviylashtirish, chempion futbolchilar bilan birga maydonga tushish bizlar uchun faxr tuyg'usini uyg'otdi. Osiyo chempionlari va boshqa faxriy futbolchilarni doimo yodda tutamiz. Muxlislarimiz ham ularning qahramonliklarini hech qachon eslaridan chiqarishmaydi. Bugungi futbol ham shuni isboti bo'ldi. Fursatdan foydalanib, Azamat akani 50 yoshlik yubileylari bilan tabriklayman. Azamat Abduraimovning Koreyaga urgan gollarini hech qaysi o'zbek futboli muxlisi yodidan chiqarmasa kerak. Aynan shu gol qiluvchi rolni o'ynagan va bizni chempionlikka etaklagan. Bu kabi faxriy futbolchilarimiz vatanimiz futboli rivojiga o'z hissalarini qo'shishgan va qo'shib kelishmoqda. SHu boisdan biz ushbu faxriy futbolchilarni doimo ehtirom qilamiz. Bu kabi uchrashuvlar ko'proq bo'lishini istagan bo'lardik. Bu kabi shou o'yin muxlislarga, bizlarga va umuman barcha uchun qiziq bo'ldi.
Jamoani tarkibini qay ro'sinda tanladim? Bizni aynan kimnidir tanlaganimiz yo'q. Ko'pchilik do'stlarimiz bizga qo'ng'iroq qilib, men sizni jamoangizda o'ynamoqchiman, deb murojaat qildi va ularni safimizga qo'shdik. To'g'risi, tarkib tanlash uchun deyarli bo'sh vaqtning o'zi yo'q. Biz universiadada edik. Bahodir Ahmedov, Oybek Qosimov bilan birgalikda o'tirib, ushbu tarkibni shakllantirdik. O'yin hisobi bu uchrashuv oldidan kelishilganligini anglatmaydi. SHunchaki tablodagi hisob teng bo'lib qoldi va oxirida penaltilar seriyasi bo'lib o'tdi. Agarda kelishilganda, unda penaltilar orqali g'olib jamoani aniqlamagan bo'lardik", - deydi Ravshan Ermatov.