Rasmiy xabar: Ixtiyor Karimov “SHo'rtan” bosh murabbiyi etib tayinlandi
26 iyu 2016 11:32
Yangiliklar
![](https://championat.asia/upload/storage/179811_original.jpg)
![](/upload/storage/179811_220.jpg)
Rasmiy xabar: Ixtiyor Karimov “SHo'rtan” bosh murabbiyi etib tayinlandi
“Oq bo'rilar” jamoasi bir nechta tur davomida ochko olishning
uddasidan chiqishmadi. SHundan so'ng, jamoa mahalliy mutaxassis, asli
g'uzorlik bo'lgan Ixtiyor Karimov boshqaruviga ishonib topshirilgach,
“SHo'rtan”ning ishlari yurishib ketdi. Natijada birin-ketin “So'g'diyona”,
“Andijon”, “Olmaliq”, “Obod” va “Paxtakor” kabi jamoalar mag'lubiyatga
uchratildi. Qolgan uchrashuvlarda ham futbolchilar sifatli va mazmunli
o'yinlar ko'rsatishdi. Birinchi davra yakunlari bo'yicha jamoaning Oliy
ligadagi ishtiroki yaxshi, deb baholandi.
Mana shu ijobiy holatlar va
I.Karimoning ish salohiyati, malakasi hisobga olingan holda uning
lavozimidagi “vaqtinchalik vazifasini bajaruvchi” qo'shimcha olib tashlandi.
SHu yilning 20 aprelidan etiboran “SHo'rtan” jamoasida vaqtinchalik bosh
murabbiy vazifasini bajarib kelayotgan Ixtiyor Tog'aevich Karimov klub
rahbariyati qaroriga ko'ra, rasman bosh murabbiy etib tayinlandi.
SHunday
qilib, so'nggi uch-to'rt oy davomida “SHo'rtan” jamoasiga yangi bosh murabbiy
kelishi yoki xorijlik mutaxassislar ish boshlashi mumkin, qabilidagi turli
gap-so'zlarga chek qo'yildi.
Ixtiyor Karimovning klubda shu kunga qadar
egallab turgan o'rniga – yani texnik direktorlik vazifasiga esa
vaqtinchalik g'uzorliklar jamoasi murabbiylar guruhida ko'p yillardan buyon
fidokorona mehnat qilib kelayotgan uslubchi mutaxassis Aleshnikov Viktor
Giergievich taynlandi.
“SHo'rtan” PFK matbuot xizmati
O’xshash yangiliklar
![AMP Logo](https://championat.asia/image/logo-amp.png)
Fikrlar