"Qo'qon-1912" prezidenti jamoani tark etdi

Bu haqda klubning Telegram kanalida elon qilindi.

Grigoriy Viktorovich qo'qonliklar bilan xayrlashar ekan o'z fikrlarini quyidagicha bildirdi:

- Sevimli Qo'qon-1912 jamoamizni superligada olib qololmaganligim uchun yuragimdagi dog' va aybdorlik hissi bilan jamoa bilan xayrlashmokdaman

 Bugun eng qiyin qarorlarimdan birini qabul qildim. “Qo'qon-1912” jamoasidagi deyarli 7 oylik faoliyatimni bugun to'xtatishga qaror qildim. Bunga majbur bo'lganimdan afsusdaman. Bu jamoaga meni taklif qilgan insonlarga ajoyib imkoniyat uchun rahmat  aytaman! Ushbu jamoadagi faoliyatim davomida kelgusida menga asqotadigan juda katta tajriba va xulosalarga ega bo'ldim.

 Xususan, jamoadagi prezident sifatidagi ishimdan to'g'risi qoniqmadim. Yani qoniqarli ishlay olmadim. Mendan keyingi rahbarga jamoani yangi bosqichga olib chiqib, tez orada jamoani yana superligaga qaytarishini, shuningdek, yuqori darajada ishlashiga tilakdoshman!

 Kishining xursand qiladigan narsa shuki, jamoadagi to'planib turgan barcha qarzdorliklar bartaraf etildi, shuningdek, “Markaziy” stadion yoritgichlari uchun 100 foiz to'lovlar amalga oshirilgan, OFK talablariga javob beradigan yangi darvozalar olib kelindi.  Alloh nasib qilsa, xammamiz uchun kadrli bo'lgan sevimli muxlislarimiz 2023 yildagi musobaqa o'yinlarini jonajon Qo'qon shahrimizdagi o'z stadionimizda bevosita kuzatib borishlari mumkin bo'lganidan mamnunman.

Jamoamizni qo'llab turgan minglab tomoshabinlarga o'z minnatdorchiligimni bildiraman. Muxlislarimizni doimo hurmat qilganman, qadrlaganman. Fursatdan foydalanib, muxlislarimizni kirib kelgan yangi yil bilan chin qalbimdan samimiy tabriklayman, xonadonlarida tinchlik, xotirjamlik, osoyishtalik hukm sursin. Barchangizga o'zimning yuksak hurmatim va ezgu tilaklarimni bildiraman. 

 «Qo'qon-1912» jamoasida birga ishlagan barchaga, murabbiylar, futbolchilar, jamoada ishlagan xar bir xodimga samimiyat va iliq munosabat uchun katta rahmat aytaman! 

Bizga og'ir damlarda ishonch bildirgan, qo'llab-quvvatlagan barchaga  rahmat!

Nasib qilsa qolganini vaqt ko'rsatadi. Alloh madadkor bo'lsin! -dedi Grigoriy Viktorovich.