"Qo'qon-1912": O'zini ko'rsatayotgan yoshlarimiz

Yakuniga etgan mavsumda bu yana bir bor o'z isbotini topdi.

Ushbu mavsumda jamoamiz safida uch nafar yosh futbolchi Oliy ligadagi debyut uchrashuvini o'tkazishdi.

2015 yili yoshlar ligasidagi o'yinlari orqali muxlis va mutaxassislar etiboriga tushgan Iqbol Malikjonov uchun jori yil omadli o'tdi, desak mubolag'a bo'lmaydi.



Yosh futbolchimiz Oliy ligada debyut uchrashuvini o'tkazdi. Qolaversa, Farg'onada o'tkazilgan “Universiada-2016” musobaqasida kumush medalga sazovor bo'ldi.

Yana bir yosh futbolchimiz Oybek Rustamov ham 2016 yilni bir umr eslab yursa ajab emas. Sababi, 19 yoshli himoyachimiz ham yakuniga etgan mavsumda Oliy ligada debyut qildi. Bundan tashqari, Jasur Abduraimov boshqargan O'zbekiston yoshlar terma jamoasi bilan birga Osiyo chempionatida ishtirok etdi.



O'tgan yili o'rinbosarlar tarkibida yorqin o'yin namoyish etgan Avaz Mamatxo'jaev ham bu yil elitada deyubt qilishga muvaffaq bo'ldi. Birinchi davra yakunlanish arafasida Oliy ligadagi birinchi uchrashuvini o'tkazgan yosh futbolchimiz ikkinchi davrada deyarli asosiy tarkib o'yinchisiga aylandi.



Yakuniga etgan mavsumda jamoamiz g'alabalariga o'zlarining ulkan hissalarini qo'shgan bu yosh futbolchilarimizga yangi mavsum ham mana shunday omadli o'tishini tilab qolamiz.