Qarshidagi janjal. Ro'ziqul Berdiev hammani aldadimi?

Nasaf

Superliga. 17-tur 29/08/2022, 19:00 0 : 0 Tugadi

Lokomotiv

45'

90'

20'  Akmal Mozgovoy

27'  Mpako Etame Jerom

Match-senterda ochish

Bu ijtimoiy tarmoqlarda katta rezonansga sabab bo'lib, ommada referining "ajdarlar"ni "o'ldirgani" to'g'risida taassurot paydo qilganini bilasiz. 

Aslida nimalar sodir bo'lganini bilish uchun voqeaning ichida bo'lgan hakamlardan malumot olishga harakat qilib ko'rdik.

VAR ishlagan

Championat.asia'ga malum bo'lishicha, vaziyat Ro'ziqul Berdiev aytganidek emas. VAR tizimi ishlagan, shunchaki, kadrlarni stadionga o'rnatilgan monitorga uzatish bilan bog'liq texnik muammo paydo bo'lgan. Ammo bahsli vaziyat sodir bo'lgan vaqtda bosh hakam epizodni maxsus planshet orqali ko'rishi mumkin edi.

"Nasaf" tomoni etiroz bildirayotgan vaziyatda VARda ishlagan Rustam Lutfullin ehtimoliy penaltini tekshirib, 11 metrli nuqtani ko'rsatish uchun asos yo'q deb topdi. Ahrol Risqullaev shundan keyingina yakuniy hushtakni chalib, o'yinga nuqta qo'ydi.

Ayrim hamkasblarimiz VAR ishlagan bo'lsa, nega bosh hakam epizodni shaxsan o'zi tekshirmaganiga tushunmayapti. Unutmang, maydonda ishlayotgan referi qaysidir tomon etiroz qilgani uchun vaziyat takrorini ko'rishga majbur emas. U VAR xonasida o'tirgan hamkasbi chaqirgan taqdirdagina bunday ishga qo'l uradi. Kecha Lutfullin penalti uchun asos topmadi. SHu xolos.

Janjal

Uchrashuv yakunlanganidan keyin mezbonlar ustozi maydonga yugurib chiqdi. Efirda tomoshabinlarga Ro'ziqul Berdiev qizil kartochka bilan jazolangani ko'rsatilmadi. 

Biroz avval murabbiy va bosh hakam o'rtasida ro'y bergan suhbatni tingladim. Sadullaevich Ahrolni kurakda turmaydigan so'zlar bilan haqorat qilish barobarida uning qorin qismiga zarba bergan. SHundan keyin referi Berdievga qizil kartochka ko'rsatdi.

Bu bo'yicha O'zFHMdan izoh so'radik. Haqiqatan ham o'yin yakunlangach, hakamlarga nisbatan tajovuzkor harakat bo'lgani tasdiqlandi. Bu o'yindan keyingi raportga ham kiritilgan. Markazdagilarning aytishicha, Ro'ziqul Berdievning ushbu harakati tartib intizom qo'mitasiga oshiriladi. 

Tuhmat?

Uchrashuv oxirigacha VAR tizimi ishlagan (hakamlar o'rtasidagi kommunikaciyani o'zim eshitdim). Bundan tashqari, mezbonlar norozi bo'lgan epizodda penalti ehtimoli tekshirilgan. Demak, etirozga hojat yo'q. Ammo Ro'ziqul aka matbuot anjumanida "portladi". SHundan keyin haqli ravishda savol tug'ildi: "Nasaf" ustozi hammani aldab, FIFA referisiga tuhmat qildimi?

Muallifning telegramdagi kanali → FR| futbol ANALIZI