PSJ prezidenti: "UEFA bizni tinch qo'ysin"

"Agar to'g'risini aytadigan bo'lsam, bizga sankciya qo'llashsa hayron qolaman. Katta mojaro bo'ladi. Biz doimo qoidalarga amal qilganmiz. Bu haqiqat, UEFA bizning MFPni (moliyaviy feyr-pley) juda jiddiy, xatto adolatsiz muhokama qilmoqda.

Yomon ish qilmadik. Ular pullarimiz qaerdan kelganini bilishadi, hech qanday qarzimiz yo'q, moliyaviy kafolatlarni taqdim etdik. Boshqa klublarda qarzdorlik bor. Biz barcha xarajatlarni qoplayapmiz, ular bizdan nima istaydi? Bizni tinch qo'yishsin.

Yangi homiylarga ega bo'lamiz. Nike bilan muzokaralar o'tmoqda, tez orada yangi bitim imzolaymiz. Titul homiyimiz (Emirates) bilan kelishuv yakuniga etmoqda, biz boshqa davogarlar bilan hamkorlik qilish imkoniyatlarini ko'rib chiqyapmiz" - deydi Al-Helayfi.

PSJ 2014 yildagi qoidabuzarlik uchun transferlarga 60 mln. evrodan ko'proq pul sarflash taqiqlangan edi. Bu yil sankciyalar kattaroq bo'lishi mumkin.