Pshemislav Banashak "Paxtakor"da gol urgan 26-xorijlik futbolchi

"Polshalik hujumchi Pshemislav Banashak O'zbekiston chempionatida jamoamiz uchun to'p kiritgan 26-chet ellik o'yinchiga aylandi.

SHuningdek, u jamoamiz va Superligada o'ynagan hamda to'p kiritgan birinchi polshalikka aylandi. Endilikda "Paxtakor" safida gol urgan futbolchilar soni 26 nafarga etdi. Ular 15 mamlakat fuqarolari sanaladi. Eng ko'p to'p kiritgan xorijlik o'yinchilar CHernogoriya va Serbiyadan hisoblanadi. SHuningdek, uch nafar Braziliya fuqarolari "Paxtakor" uchun O'zbekiston chempionatida to'p kiritishga erishgan.

Eng ko'p gol ayni paytda jamoamiz sharafini himoya qilayotgan Dragan CHeran hisobiga yozilgan. U 70ta to'p muallifiga aylangan. Ixeruome Uche hisobida 30 gol mavjud. Gochguli Gochguliev, Kaxi Maxaradze va Tiago Bezerra 20tadan ortiq gol urishgan", — deyiladi klub xabarida.