Kamoliddin Tojiev: "Paxtakor o'z oldiga doim oliy maqsadni qo'yadi. Kubok va Superligada oxirgacha kurashamiz"

- O'yin haqida

- Birinchi bo'limni o'zida uchta gol urdik. Oldingi o'yindan keyin ozgina charchoq bor edi. Ammo yigitlarga qoyil. Bugun vaziyatlardan foydalandik. 

- Penalti epizodida Riaskos va Hamdamov penaltini tepish borasida kelisha olishmadi. O'sha vaziyatda nima bo'ldi?

- Bu ularning o'rtasida bo'lgan holat. Futbolda bunaqasi bo'lib turadi.

- "Paxtakor" uchun hozirda kubokni qo'lga kiritish oson. Ikkita o'yin qoldi. Chempionatda esa "Paxtakor"dan yuqorida bir nechta klub bor. Shu o'rinda agar tanlov qilish kerak bo'lsa jamoa kubokni tanlaydimi yoki chempionatni?

- Ikkala turnirda ham oxirigacha kurashamiz. Superligada ham g'alaba qozonishga harakat qilamiz.

- Mavsum o'rtasida sizni bosh murabbiy sifatida tanishtirishdi. Sizga minimum vazifa sifatida qaysi topshiriq berildi?

- "Paxtakor"da 2002 yil o'ynaganman. Farqi yo'q, qaysi davrada kelasiz. har doim klub oldiga oliy maqsad qo'yiladi. Buni menga eslatish ham shartmas edi.

- Birinchi bo'limda o'yin taqdiri hal qilingan bo'lsa ham siz Sergeevni uzoq vaqt zaxiraga olmadingiz. Oldinda tanaffus bor va undan keyin "Neftchi" bilan o'yin. Terma jamoa yig'ini ham kutib turibdi. Maqsad Sergeev yana bitta gol urishi va o'ziga bo'lgan ishonchini ko'proq tiklab olishimidi? Oxirgi payt gol urishda unda muammolar bo'ldi...

 - Sergeevga doim ishonganmiz. O'zidan ham biroz so'raymiz, uning o'zi biroz vaqt bering deydi. O'rtamizdagi munosabat juda yaxshi. Biroz o'ynashni istadi, biz vaqt berdik. Termani ham o'ylagan holda uni baribir zaxiraga oldik.