Prevyu. "Metallurg" - "So'g'diyona"

Metallurg (Bekobod) – So'g'diyona (Jizzax)
14 may. Bekobod. “Metallurg” stadioni
Hakamlar: D. Pislegin (Toshkent), M. Majidov (Namangan), R. Fozilov (Namangan), D. Dosanov (Toshkent)
Nazoratchi: V. Valickiy (Toshkent).

“Metallurg” va “So'g'diyon” oliy ligada 24 bora to'qnash kelishgan. Natijalar “So'g'diyona”ning ustunligini ko'rsatmoqda.

“So'g'diyona” ushbu raqibni 10 marta mag'lub etgan. 5ta o'yinda durang qayd etilgan. “Metallurg” “So'g'diyona”ni 9 marta talsim qila olgan. “So'g'diyona” o'zaro o'yinlarda 34ta gol urgan, “Metallurg” futbolchilari 29 marta jizzaxliklar darvozasini ishg'ol etishgan. “So'g'diyona” o'zaro o'yinlarda 35 ochkoga ega bo'lgan, “Metallurg” hisobida 32 ochko bor. “Metallurg”ning o'zaro o'yinlarda eng yirik g'alabasi 3:1ga teng bo'lsa, “So'g'diyona”ning eng yirik muvaffaqiyati 4:0 bo'lib turibdi.

O'tgan mavsum ikkala jamoa o'z maydonidagi o'yinlarda 2:1 hisobida g'alaba qozonishgan. Bekobodda Orif Mamajonov mehmonlarni hisobda oldinga olib chiqqandi. SHaxzodbek Nurmatovning dubli “Metallurg”ga irodali g'alabani keltirgan – 2:1. Zominda “Metallurg” vakili Sunnatilla Mamadaliev hisobni ochgan. Renat Bayramovning dubli “So'g'diyona”ga irodali g'alabani olib bergan – 2:1.  

Bekobodda o'tgan so'nggi besh uchrashuv:
20.04.2013  Metallurg - So'g'diyona  2:1
10.06.2011  Metallurg - So'g'diyona  3:2
18.05.2009  Metallurg - So'g'diyona  3:1
19.04.2008  Metallurg - So'g'diyona  0:0
24.06.2006  Metallurg - So'g'diyona  1:2

O'zaro o'yinlar haqida fakt: Bekobodda bo'lib o'tgan 12ta o'yinning 7tasida “Metallurg” g'alaba qozongan, 3 marta g'olib aniqlanmagan. “So'g'diyona” safarda ikki marta uch ochkoni o'ziniki qilgan. “Metallurg” o'z uyida “So'g'diyona”ga qarshi kechgan oxirgi uch o'yinda faqat g'alaba qozongan.