Prevyu. "Lokomotiv" - "Buxoro"

Lokomotiv (Toshkent) – Buxoro (Buxoro)
23 iyun. Toshkent. “TTYMI” stadioni. 19:00
Hakamlar: H. Ro'ziev (Toshkent), A. Snetkov (Toshkent viloyati), X. Mirzaahmedov (Toshkent viloyati), R. Kopadze (Farg'ona)
Nazoratchi: A. Popov (Toshkent).

“Lokomotiv” hamda “Buxoro” klublari oliy ligada shu kungacha 16 bor kuch sinashishgan. Natijalar Toshkent klubining ustunligini ko'rastmoqda. 7ta o'yinda “Lokomotiv”, 5ta o'yinda “Buxoro” g'alaba qozongan. 4ta o'yinda durang natija qayd etilgan. “Temiryo'lchilar” o'zaro o'yinlarda 28 bor raqib darvozasiga yo'l topa olishgan. “Buxoro” esa 22  bor gol kirita olgan. “Loko” o'zaro o'yinlarda 25 ochkoni qo'lga kiritgan, “Buxoro” hisobida 19 ochko bor. “Loko”ning “Buxoro” ustidan qozongan eng yirik g'alabasi – 5:1. Buxoroliklarning eng yirik g'alabasi esa 3:1.

2013 yil birinchi davrada Toshkentdagi o'yinda yirik hisob qayd etilgan. Zayniddin Tojiev va Farhod Tojiev ikki martadan, Ivan Nagaev bir marta mehmonlar darvozasiga gol urgan. Aleksey Nikolaevning goli faqat hisobni qisqartirgandi xolos – 5:1. Buxorodagi bahs taqdirini kichik Jasur Hasanovning urgan goli hal qilgandi – 0:1.  

Toshkentda o'tgan so'nggi besh uchrashuv:
04.03.2013  Lokomotiv – Buxoro  5:1
04.09.2012  Lokomotiv – Buxoro  2:1
24.06.2009  Lokomotiv – Buxoro  1:3
23.11.2008  Lokomotiv – Buxoro  4:1
22.06.2007  Lokomotiv – Buxoro  1:3

O'zaro o'yinlar haqida fakt: “Buxoro” bu raqibni safarda 3 marta mag'lub etgan. Qolgan 5ta o'yinda “temiryo'lchilar” 3 ochkoga ega chiqishgan. Toshkentdagi oxirgi ikki bahsda “Lokomotiv” g'olib bo'lgan.