Prevyu. "Buxoro" - "Paxtakor"

Buxoro (Buxoro) – Paxtakor (Toshkent)
15 may. Buxoro. "Buxoro" stadioni. 18:30
Hakamlar: A. Asimov (Toshkent), M. Saidqosimov (Toshkent), R. SHoyahmetov (Toshkent), I. Ibrohimov (Nukus)
Nazoratchi: I. Mustafin (Toshkent).

“Buxoro” hamda “Paxtakor” oliy ligada 42 bora to'qnash kelishgan. SHulardan 30tasida “Paxtakor” g'olib bo'lgan, 6ta o'yinda g'olib aniqlanmagan. “Buxoro” hozirga qadar “Paxtakor”ni 6 marta mag'lub etgan. To'plar nisbati “Paxtakor” foydasiga 93:31ni tashkil qilmoqda. O'zaro o'inlarda “sherlar” 96 ochkoni, “Buxoro” esa 24 ochkoni qo'lga kiritgan.

“Paxtakor”ning “Buxoro” ustidan qozongan yirik g'alabasi – 8:0ga teng. “Buxoro”ning ushbu raqib ustidan qozongan eng yirik g'alabasi esa 2:0 bo'lib turibdi.

2013 yil Buxoroda bo'lib o'tgan bahs taqdirini Baxriddin Vahobov tomonidan urilgan gol hal qilgandi – 1:0. Toshkentdagi o'yinda ham maydon egalari zafar quchishgan. Kaxi Maxaradze penaltidan hisobni ochgan, Bahodir Pardaev penaltidan gol urib hisobni tenglashtirgan. Uchrashuvdagi so'nggi golni Igor Sergeev urgan – 2:1.

Buxoroda bo'lib o'tgan so'nggi besh uchrashuv:
04.07.2013 Buxoro - Paxtakor 1:0
15.03.2012 Buxoro - Paxtakor 0:1
24.09.2011 Buxoro - Paxtakor 0:0
09.11.2009 Buxoro - Paxtakor 1:1
26.06.2008 Buxoro - Paxtakor 0:2

O'zaro o'yinlar haqida fakt: “Buxoro” o'z uyida bo'lib o'tgan o'yinlarda 5 marta g'alaba qozongan. “Paxtakor” safardan 11 bor g'alaba bilan qaytgan. Yana 5ta uchrashuvda g'olib aniqlanmagan.