Prevyu. "Bunyodkor" - "Paxtakor"
29 apr 2016 08:19
Yangiliklar

Prevyu. "Bunyodkor" - "Paxtakor"

Bugun oliy liganing 7-turidan o'rin olgan markaziy o'yinda "Bunyodkor" va "Paxtakor" klublari to'qnash kelishadi.

Bunyodkor (Toshkent) – Paxtakor (Toshkent)
29 aprel 2016. Toshkent. "Bunyodkor" stadioni. 19:00
Hakamlar: A. Asimov (Toshkent), A. Snetkov (Toshkent vil.), A. Capenko (Toshkent vil.), R. Kopadze (Farg'ona)
Nazoratchi: A. Xotamov (Toshkent).

“Bunyodkor” va “Paxtakor” oliy ligada jami 18 bora to'qnash kelishgan. Natijalar esa “Bunyodkor”ning ustunligini ko'rsatmoqda. SHu kunga qadar “Bunyodkor” 6ta o'yinda g'alaba qozongan. “Paxtakor” bugunga qadar oliy ligada “Bunyodkor”ni to'rt marta marta mag'lub eta olgan. 8ta uchrashuv durang hisobida tugagan. “Bunyodkor” shu kungacha 20ta gol kiritgan, “Paxtakor” esa “qaldirg'ochlar” darvozasiga bugunga qadar 16 bor to'p kirita olgan. “Bunyodkor” o'zaro o'yinlarda 26 ochko ishlab olgan bo'lsa, “sherlar”da ushbu ko'rsatkich 20ga teng.

“Bunyodkor”ning o'zaro o'yinlarda “Paxtakor" ustidan qozongan eng yirik g'alabasi - 2:0 ga teng. “Paxtakor”ning eng yirik g'alabasi – 3:1.

2015 yil 11-turda "Paxtakor" mezbon bo'lgan uchrashuvda Igor Sergeev tomonidan urilgan yagona gol "sherlar"ga derbida 3 ochko keltirgandi - 1:0. “Bunyodkor” maydonida esa “qaldirg'ochlar” 2:0 hisobida zafar quchishgan. Akmal SHorahmedov va Dostonbek Hamdamov “sherlar” darvozasini ishg'ol qilishgandi.

“Bunyodkor” uyida o'tgan so'nggi besh uchrashuv:
21.10.2015 Bunyodkor - Paxtakor 2:0
07.11.2014 Bunyodkor - Paxtakor 2:3
10.08.2013 Bunyodkor - Paxtakor 1:2
26.06.2012 Bunyodkor - Paxtakor 2:0
21.08.2011 Bunyodkor - Paxtakor 2:1

O'zaro o'yinlar haqida fakt: SHu kungacha “Bunyodkor” uyida bo'lib o'tgan 9ta o'yinda 2 marta durang natijasi qayd etilgan. “Bunyodkor” hisobida 5ta, “Paxtakor”da 2ta g'alaba g'alaba bor. “Qaldirg'ochlar” o'z maydonlaridagi barcha o'yinlarda bu raqib darvozasiga kamida bitta gol ura olishgan.