"Roma"ni boshqarish uchun yana bir nomzod paydo bo'ldi

Nunu Eshpiritu Santu "Roma"ni boshqarishi mumkin. "Relevo"ning xabar qilishicha, Rim klubi rahbariyati kecha "Nottingem Forest" bosh murabbiyi bilan bog'lanib, unga ikki yillik shartnoma taklif etgan. Shuningdek, unga qisqa muddatda Italiya chempionligini qo'lga kiritishga qodir jamoa tarkibini shakllantirish topshirilgan.

Italiyaliklar mutaxassisni o'z saflariga qo'shish uchun inglizlar bilan muzokaralar olib borishlari kerak bo'ladi. Uning "Nottingem" bilan shartnomasi 2026 yilgacha amal qiladi.

"Roma" A Seriyasi turnir jadvalida 37 turdan so'ng 66 ochko to'plab, 5-o'rinni egallab turibdi.