"Рома"ни бошқариш учун яна бир номзод пайдо бўлди

Нуну Эшпириту Санту "Рома"ни бошқариши мумкин. "Relevo"нинг хабар қилишича, Рим клуби раҳбарияти кеча "Ноттингем Форест" бош мураббийи билан боғланиб, унга икки йиллик шартнома таклиф этган. Шунингдек, унга қисқа муддатда Италия чемпионлигини қўлга киритишга қодир жамоа таркибини шакллантириш топширилган.

Италияликлар мутахассисни ўз сафларига қўшиш учун инглизлар билан музокаралар олиб боришлари керак бўлади. Унинг "Ноттингем" билан шартномаси 2026 йилгача амал қилади.

"Рома" А Серияси турнир жадвалида 37 турдан сўнг 66 очко тўплаб, 5-ўринни эгаллаб турибди.