"Paxtakor" va "Lokomotiv"ning yangi bosh murabbiylari, Masharipovning transferi. Yangi haftada bizni qanday rasmiy xabarlar kutmoqda?
03 jan 2021 16:28
Yangiliklar
![](https://championat.asia/upload/storage/612607_original.jpg)
![](/upload/storage/612607_220.jpg)
"Paxtakor" va "Lokomotiv"ning yangi bosh murabbiylari, Masharipovning transferi. Yangi haftada bizni qanday rasmiy xabarlar kutmoqda?
Yangi haftadan barcha yana ishga qaytadi va rasmiy xabarlar chiqa boshlaydi.
Katta ehtimol bilan keyingi haftada "Paxtakor" klubining yangi bosh murabbiyi nomi elon qilinadi. SHota Arveladzening 31 dekabrgacha shartnomasi bor edi, u rasman nihoyasiga etdi. Hozirgacha klub rasmiy sayti Arveladze jamoani tark etdi deb xabar bergani yo'q. Agar qandaydir mo'jiza tufayli gruziyalik murabbiy ortga qaytmasa uning o'rniga boshqa mutaxassis tayinlanadi va bu haqda klub matbuot xizmati xabar beradi. Championat.asia saytida Arveladzening o'rniga boshqa gruziyalik murabbiy nomzodi ko'rib chiqilganini malum qilgandi. Yangi murabbiy tayinlangach uning ortidan transferlar ham elon qilina boshlanadi.
"Lokomotiv" ham yangi haftada o'zining yangi bosh murabbiyini rasman elon qiladi. Yangi murabbiy bilan 2 yillik shartnoma tuzilganini klub bosh direktori o'rinbosari To'labek Akromov tvitterdagi o'z sahifasida yozib qoldirdi. Championat.asia sayti esa yangi murabbiy portugaliyalik Mikael Sikeyra bo'lishi mumkinligi haqida yozdi. Bundan tashqari "Temiryo'lchilar" aslida "Qo'qon-1912"ga tegishli bo'lgan "Paxtakor"da ijarada o'ynagan Javohir Sidiqov bilan kelishib olishganini malum qildi.
Barcha kutayotgan yana bir rasmiy xabar bu Jaloliddin Masharipovning transferi. O'zbekiston terma jamoasi va "Paxtakor" klubi yarim himoyachisi ayni paytda BAAda oilasi bilan xordiq chiqarmoqda. Yangi yil bayramidan oldin futbolchi Dubayda Saudiya Arabistonining "Al Nassr" klubi uchun tibbiy ko'rikdan muvaffaqiyatli o'tganini championat.asia sayti yozgandi. Saudiya Arabistonida transfer oynasi 12 yanvar kuni ochiladi. Yaqin kunlar ichida Masharipovning transferi rasman elon qilinishini taxmin qilish qiyin emas.
O’xshash yangiliklar
![AMP Logo](https://championat.asia/image/logo-amp.png)
Fikrlar