"Paxtakor" oltin medallar bilan taqdirlandi
22 dek 2020 12:57
Yangiliklar
![](https://championat.asia/upload/storage/611051_original.jpg)
![](/upload/storage/611051_220.jpg)
"Paxtakor" oltin medallar bilan taqdirlandi
Poytaxtimizdagi "Bahor" restoranida o'tgan tadbirda jamoa azolari, murabbiylar shtabi va klub rahbariyatiga oltin medallar topshirildi. Marosimda Milliy olimpiya qo'mitasi bosh kotibi Oybek Kasimov, O'zbekiston futbol associaciyasi birinchi vice-prezidenti Ravshan Ermatov, O'zbekiston futbol associaciyasi bosh kotibi Avaz Maksumov, PFL direktori Diyor Imomxo'jaev ishtirok etib, medallarni taqdim etishdi. Mavsum davomida katta hajmdagi ishni amalga oshirgan klub vakillari va jamoa azolari medallar bilan taqdirlandi. Klub bosh direktori Dmitriy Adisman O'zbekiston futbol associaciyasidan klub nomiga tashakkurnomani qabul qildi.
O'zbek futboli afsonalari Birodar Abduraimov va To'lagan Isoqov jamoani navbatdagi muvaffaqiyatli mavsum bilan tabriklab, keyingi yil yanada yaxshiroq natijalar tilashdi. SHuningdek, tadbir davomida "Paxtakor" futbol klubi o'z homiylari va hamkorlariga o'z minnatdorchiligini izhor qildi.
Championat.asia sayti tomonidan 2020 yil eng yaxshi murabbiy deb topilgan SHota Arveladze, eng yaxshi futbolchi Jaloliddin Masharipov va to'purar Dragan CHeranga maxsus tayyorlangan sovrinlar topshirildi.
O’xshash yangiliklar
![AMP Logo](https://championat.asia/image/logo-amp.png)
Fikrlar