"Paxtakor" bilan Krimec o'rtasida qanday muammo yuz berdi?

SHundan keyin "Paxtakor" rahbariyati va jamoaning sobiq sardori o'rtasida nizoli holat yuzaga keldi. Aniqrog'i, klubdan 2021 yilgi mavsum uchun olishi kerak bo'lgan mukofot pullarini ololmagan 30 yoshli himoyachi o'z haqini huquqiy yo'l bilan undirishga harakat qildi. Bunda Krimecning manfaatlarini "Sila" kompaniyasi yuristi Mixail Prokopec himoya qildi (Mazkur huquqshunos oldinroq "Navbahor" bilan ro'y bergan mojaroda Kanchelskis va Belenkovning vakili sifatida qatnashgan edi).

Gap taxminan 3 mlrd so'm haqida ketmoqda. Bu ish Futbolchilarning o'tishi va maqomi bo'yicha qo'mitada bir necha bor ko'rib chiqilgan. Bizga malum bo'lishicha, "Paxtakor" yaqinda himoyachi bilan tinchlik bitimi imzolashga erishgan. Nizoni hal qilish uchun Krimecga qancha mablag' to'langani hozircha malum emas.

O'tgan yilning 18 iyunida elon qilingan materialda Egor Krimecning yillik maoshi 153 mln ekani aytilgan. Bundan tashqari, uning shartnomasida 4 mlrd so'mdan oshiqroq mukofot puli belgilangan. Bu mablag' homiylar hisobidan qoplanadi (Krimec "sherlar" tarkibida Eren Derdiyokdan keyin eng ko'p pul to'lanadigan futbolchi edi).

Malumot uchun, Egor "Paxtakor" tarbiyalanuvchisi hisoblanadi. U 2019 yilda jamoaning asosiy sardori etib tayinlangan edi. 

mutolaa uchun: "Paxtakor" himoyasi abgor bo'ldi. Nega?