UZ

Сўнгги янгиликлар

01:17"Ал Иттиҳод" - Саудия Арабистони Қироли кубоги соҳиби!  2 00:45Дембеле Мбаппенинг ПСЖдан кетиши ҳақида: "У "Реал"да ўйнашни орзу қилганди"  0 00:16Роналду "Ал Насср" билан шартнома имзолаган  0 23:53"CAFA U17 Championship 2025". 3-ўрин учун баҳсда Туркманистон Қирғиз Республикаси ёшларини пенальтилар сериясида мағлуб қилди  2 23:36БУМ! "Рома"нинг янги бош мураббийи деярли аниқ!  10 23:10Ар Риёд сари йўл Бишкекдан бошланади  2 22:50Жеко "Фенербахче"дан кетди  2 22:15Бруну кетадими? Аморим жавоб берди  2 21:46"Милан" ўз тарихидаги рекорд трансферни амалга ошириши мумкин  3 21:16Расман: "Ливерпуль" "Байер" футболчисининг трансферини эълон қилди  7 20:47"Лион" футболчиси Манчестер сари йўл олишга рози  0 20:29"Ал Ҳилол" яна бир супер трансфер амалга оширишни режа қилган  1 19:38"Ал Ҳилол" Бруну Фернандешни КЧЖгача ўз сафига қўшиб олмоқчи. Саудияликлар МЮ катта таклифни қабул қилиши мумкин деб ҳисоблайди (ESPN)  0 18:56Ўзбекистон аёллар терма жамоаси Ҳиндистонни мағлуб этди  1 18:53Расман: Ирисметов ва Беғамов "Нефтчи"ни тарк этди  18

"Пахтакор" ҳимояси абгор бўлди. Нега? Янгиликлар

"Пахтакор" ҳимояси абгор бўлди. Нега?

Тошкент клубининг ОЧЛдаги ишлари юришмаяпти.

Пахтакор

Лига чемпионов АФК. Группа D . 4-тур

18/04/2022, 23:15

3
:
0
Тугади

Ал-Духаил СК

Бассам Хишам - 32', Майкл Олунга - 45', Альмоэз Али - 47'

45'
90'
11'  Фаррух Сайфиев
42'  Khoziakbar Alidzhanov
46'  Одилжон Хамробеков (Ходжимат Эркинов)
59'  Sardor Rashidov (Mirzhakhon Mirakhmadov)
59'  Оливер Саркич (Аббосбек Файзуллаев)
69'  Mirzhakhon Mirakhmadov
73'  Азизбек Тургунбаев
80'  Sardor Sabirkhodjaev (Diyor Kholmatov)
86'  Khoziakbar Alidzhanov (Shahzod Azmiddinov)
90'  Ikrom Alibaev
90'  Mirzhakhon Mirakhmadov
32'  Бассам Хишам
32'  Edmilson Junior
45'  Майкл Олунга
47'  Альмоэз Али
47'  Edmilson Junior
54'  Карим Будиаф (Luiz Ceara)
54'  Альмоэз Али (Исмаэль Мохаммад)
61'  Ассим Мадибо
62'  Edmilson Junior (Али Яхья)
63'  Майкл Олунга (Абдельрахман Мустафа)
84'  Мохаммед Муса Али (Мохамед Алааэлдин)

Славче Войнески шогирдлари 4-турдан кейин ғарбий минтақада энг кўп тўп ўтказиб юборган жамоа бўлиб турибди (9). "Шерлар" турнирнинг 2019 йилги мавсумида гуруҳнинг 6 ўйинида 7 та, 2020 йилда 3, 2021 да эса 8 тўп ўтказиб юборишган эди. Бу йил "Пахтакор" дарвозаси 4 учрашувда 9 бор ишғол қилинди.

Бунга сабаб сифатида "шерлар" ҳимоясидаги парокандалик кўрсатилаётган эди. Мазкур фикр бугунги баҳсда яна бир марта тасдиғини топди. "Пахтакор" ўтказиб юборган тўпларнинг 2 тасида Камен Ҳаджиев "ухлаб қолганига" гувоҳ бўлдик. Олдинги баҳсларда Олексей Ларин қаттиқ танқид қилинган эди. 

Очиғи, Аъзамовга муносиб тандем бўла олмаётган ҳар 2 ҳимоячининг "Пахтакор" даражасидаги футболчилар эмаслиги аниқ кўриниб қоляпти. Кримец ("Навбаҳор") ва Исмоилов (АГМК) асосий рақобатчиларга бериб юборилгач, уларнинг ўрни мазкур ўйинчилар орқали тўлдирилди. "Пахтакор" Камен ва Олексей билан шартнома имзолашда қандай критерияларга асослангани бизга қоронғу. Аммо уларнинг асл "юзи"ни очиб берадиган аниқ факт келтиришимиз мумкин. 

!!! Суперлига 4-тури доирасидаги "Навбаҳор"га қарши ўйинда Ларин тўп учун курашларнинг 63, Хаджиев эса 64 фоизини ўз фойдасига ҳал қилди. Аниқроғи, Тошкент клуби вакиллари яккакурашларнинг 37 фоизини рақибларига бой беришди. Шу куни "лочинлар" таркибида 91 фоизлик натижа кўрсатган Рустамжон Ашурматов эса топ-ҳимоячи қандай бўлишини барчага кўрсатиб қўйган эди.

Легионерларнинг савияси ҳақида гап кетса, кўплар тўланаётган пулга ярашалигини айтишади. Биласизми, "Пахтакор" селекционерлари тан олишни истамаслиги мумкин, лекин Ларин ва Камендан кучлироқ ҳимоячилар Суперлиганинг ўзида ҳам етарлича. Келинг, уларга илмий фактлар келтириш йўли билан мастер-класс ўтиб берамиз.

Суперлига-2021 мудофаа чизиғи эгаларига аталганини барча эътироф қилди. Сизнингча, ўтган йилги чемпионатнинг энг кучли ҳимоячиси ким эди? Ҳозир шуни таҳлил қиламиз.

Статистикага кўрса, "Сўғдиёна"даги серблар бу борада барчадан яхшироқ бўлишди. Марко Колакович жамоадоши Лука Чермель билан бирга ҳимоячилардан талаб қилинадиган кўрсаткичлар борасида Ўзбекистонда энг юқори натижани қайд этди. Шу туфайли ҳам Улуғбек Бақоев шогирдлари мавсумда барчадан камроқ гол  ўтказиб юборишди (15). 

Дейлик, Жиззах клуби мазкур ўйинчиларни чемпионатдаги асосий рақибига бериб юбормайди. Шундай ҳолатда "Пахтакор" Анваржон Ғофуровни ("Бунёдкор" мураббийи эмас, собиқ Ҳусниддин Ғофуров) трансфер қилса ҳам, ютқазмас эди.

Сабаби шундаки, ўтган йилни Термизда ўтказган ҳимоячи яккакурашларни ютиш борасида фақат Колаковичдан орқада қолди. Тўпни рақибдан тортиб олиш (131) ва зарбаларни "блоклаш" (20) бўйича Суперлигада унинг олдига тушадигани бўлмади.

Элитадаги жойини зўрға сақлаб қолган "Сурхон" футболчиси ҳақида ушбу маълумот оддий ўқувчининг ақлини шошириши мумкин. Лекин "Пахтакор" мутасаддилари бунга эътибор қаратишлари лозим эди (Худди Илҳом Мўминжонов сингари). Чунки Ғофуров ўтган мавсумда "шерлар"нинг барча ҳимоячиларидан эффектлироқ ўйнаганди.

Афсуски, селекциядаги хатолар фақат мудофаа билан боғлиқ эмаслиги халқаро майдонда яққол кўриняпти. Қизиқ, бунинг учун асосий масъулият кимнинг елкасига тушади: бош мураббий Славче Войнески, спорт директори Жаъфар Ирисметов ёки бошқа биров?

мутолаа учун: "Бухоро" қарзларидан қутиляпти 

Муаллиф :
Рейтинг: +9   

Фикрлар

championat.asia
< сўнгги янгиликларни кўриш
Яндекс.Метрика