"Paxtakor" - "Al Ayn". Odil Ahmedov xet-trik qilgan 14 yil oldingi o'yinni yodga olamiz
03 dek 2024 12:45
Yangiliklar

"Paxtakor" - "Al Ayn". Odil Ahmedov xet-trik qilgan 14 yil oldingi o'yinni yodga olamiz

Teglar : Paxtakor Al Ayn

Toshkentning "Paxtakor" jamoasi bugun Elit CHempionlar Ligasining 6-turida "Al Ayn" bilan bellashadi.

Pakhtakor Tashkent

Otabek Jurakuziev - 6'

AFC Champions League Elite West . 6-tur

03/12/2024, 19:00

Tugadi

Al-Ain

Soufiane Rahimi - 49'

45'

90'

Match-senterda ochish

Bugun Osiyo CHempionlar ligasi o'tmishiga suratlar yordamida sayoxat qilamiz. Umid qilamiz, o'quvchilarimiz tarixiy kadrlarni tomosha qilib zerikib qolishmaydi.

OCHL-2010 doirasida Toshkentda o'tkazilgan uchrashuvga to'xtalamiz. Musobaqaning "C" guruhidan joy olgan "Paxtakor" "Al SHabab" (S.Arabistoni), "Sepaxon" (Eron) va "Al Ayn" (BAA) jamoalari bilan pley-off yo'llanmasi uchun kurash olib borgan. O'shanda "sherlar" guruhda 9 ochko bilan "Al SHabab" (10 ochko)dan keyin ikkinchi o'rinni egallashgan va 1/8 final yo'llanmasini qo'lga kiritishgan.

Afsuski, bitta o'yindan iborat va o'z guruhi g'olibi bo'lgan klub maydonida o'tkazilgan nimchorak final bahsida Miodrag Radulovich boshchiligidagi "Paxtakor" Qatarda "Al Garafa"dan 0:1 hisobida mag'lub bo'lgan. SHu tariqa, 2010 yilgi mavsumda toshkentliklar OCHLdagi yurishlarini nimchorak finalda to'xtatishgan.

OCHL-2010 guruh bosqichining 5-turida "sherlar" o'z maydonlarida "Al Ayn"ni qabul qilishgan. O'sha uchrashuv Odil Ahmedovning benefisiga aylanib ketgandi. Bugungi kunda terma jamoamiz sardori bo'lgan Ahmedov amirliklar klubi darvozasini 3 bor aniq nishonga olgan va jamoasiga muhim 3 ochkoni taqdim etgan.

P.S. 14 yil oldingi o'yindan tarixiy suratlarni taqdim etgan taniqli fotograf Hasan Pirmuhammedovga alohida minnatdorchilik bildiramiz.

OCHL, "C" guruhi
5-tur, 13.04.2010
Toshkent, "Paxtakor" markaziy stadioni, 14600 tomoshabin
"Paxtakor" - "Al Ayn" 3:2
Hakamlar: Metyu Briz (Avstraliya)
Gollar: O.Ahmedov 9, 12, 29 - X.Valdiviya 2, I.Suyunov 20 (avt.)

"Paxtakor": 33.Eldor Tojiboev, 4.Boyan Miladinovich, 21.Kamoliddin Tojiev, 19.Aleksandr Kleckov, 27.Ilhom Suyunov, 6.Murod Xolmuhammedov (14.SHerzod Karimov, 37), 7.Darko Markovich, 25.Odil Ahmedov (13.Oybek Qilichev, 90), 28.Stanislav Andreev, 11.Asqar Jadigerov, 35.Aleksandr Geynrix (23.Alisher Azizov, 88).
Zaxira: 30.Temur Jo'raev, 5.Akbar Ismatullaev, 8.Akmal Xolmatov, 9.Milorad Yanush.

"Al Ayn": 12.Volid Salem, 26.Saif Muhammad (11.Ahmad Ali, 46), 44.Faris Juma, 4.Musallam Fayoz, 5.Ismoil Ahmad, 50.Li Ho (19.Muhannad Salem, 46), 10.Xorxe Valdiviya, 7.Ali Al Vehaibi, 40.Abdulloh Malallah, 2.Abdulaziz Fayoz (20.Muhammad Abdulrahmon, 69), 8.Emerson SHeik.

Ogohlantirishlar: D.Markovich 23, SH.Karimov 52, A.Geynrix 61 - S.Muhammad 28, X.Valdiviya 35, I.Ahmad 42, M.Fayoz 55, Emerson SHeik 69
CHetlatish: Emerson SHeik 90

"Al Ayn"ning boshlang'ich tarkibi.

Hali 23 yoshga ham to'lmagan Odil Ahmedov "Paxtakor" sardori bo'lgan paytlar.

"Al Ayn"ni braziliyalik Tonino Serezo boshqarardi (chapdan birinchi).

Andreev to'pni Ali Al Vehaibidan olib qo'yishga urinmoqda.

Afsuski, stadionga kelganlarning tabi 2-daqiqadayoq xira bo'lgandi. Xorxe Valdiviya chap qanot o'tkir burchakdan belgilangan jarima zarbasini golga aylantirgandi.

- Yigitlar, kayfiyatni tushirmaymiz. Hozir biz ham birinchi golimizni uramiz...

- Mio, birinchi golim yoqdimi?

Odil Ahmedov shu kuni 20 daqiqa ichida 3ta gol urgandi.

Boyan Miladinovich shaxsan men uchun o'zbek klublarida o'ynagan eng kuchli legioner himoyachi.

Hasan Pirmuhammedovdan ajoyib kadr.

Odil Ahmedov Osiyo CHempionlar ligasida xet-trik qayd etgan tarixdagi birinchi o'zbekistonlik futbolchi hisoblanadi.

Ilhom Suyunov va Emerson SHeik to'p uchun kurashda. Suyunov 20-daqiqada o'z darvozasiga gol urib qo'ygan bo'lsa, Emerson 90+daqiqada ikkinchi sariq va ketidan qizil kartochka olgan. O'sha kuni o'z jamoasi uchun zarar keltirgan ikki o'yinchi bir suratda, qiziq kadr)