O'zbekiston U-16 o'smirlari ilk o'yinda BAA o'smirlariga mag'lub bo'ldi

Temur Olimxo'jaev bosh murabbiyligidagi O'zbekiston U-16 o'smirlar terma jamoasi 20 aprel kuni navbatdagi o'quv mashg'ulot yig'inini o'tkazish uchun BAAning Dubay shahriga jo'nab ketgani haqida malumot bergan edik.

20-26 aprel kunlari oralig'ida o'tkaziladigan yig'in davomid Olimxo'jaev shogirdlari BAA U-16 o'smirlar terma jamoasiga qarshi ikkita o'rtoqlik uchrashuvida maydonga tushishi rejalashtirilgan edi. 22 aprel kuni ikkala terma jamoa o'zarok ilk o'yinda maydonga tushishdi va uchrashuv BAA U-16 o'smirlar terma jamoasining 2:0 hisobidagi g'g'alabasi bilan yakunlandi.

Ilk uchrashuv teng kurashlar ostida o'tdi va birinchi bo'limda hisob ochilmadi. Ikkinchi bo'limning dastlabki daqiqalarida BAA o'smirlar terma jamoasi penaltidan hisobni ochdi. O'yinning so'nggi daqiqalarida esa, amirlik o'smirlar uchrashuvdagi ikkinchi golini kiritdi va uchrashuv 2:0 hisobida BAA o'smirlarining g'alabasi bilan yakunlandi.

Temur Olimxo'jaev bosh murabbiyligidagi O'zbekiston U-16 o'smirlari BAA o'smirlariga qarshi ikkinchi o'yinini 24 aprel kuni o'tazadi.

Eslatib o'tamiz, O'zbekiston U-16 o'smirlar terma jamoasi shu yilning 6-20 sentyabr kunlari Tailand mamlakati mezbonlik qiladigan U-16 o'smirlar o'rtasidagi Osiyo CHempionatida ishtirok etadi.

O'rtoqlik uchrashuvi.
22 aprel. Dubay.
BAA (U-16) – O'zbekiston (U-16) 2:0.