O'zbekiston o'smirlar terma jamoasi Slovakiya bilan o'rtoqlik uchrashuvida durang o'ynadi
31 avg 2016 09:54
Yangiliklar

O'zbekiston o'smirlar terma jamoasi Slovakiya bilan o'rtoqlik uchrashuvida durang o'ynadi

Teglar : O'smirlar

SHu yilning 15 sentyabr – 2 oktyabr sanalari davomida Hindistonning Goa shahrida bo'lib o'tadigan o'smirlar o'rtasidagi Osiyo chempionatiga tayyorgarlik ko'rayotgan O'zbekiston U-16 terma jamoasi Slovakiyaga qarshi o'rtoqlik uchrashuvi o'tkazdi.

Qita birinchiligiga tayyorgarlik jarayonining so'nggi bosqichlaridan birini Miyava shahrida o'tkazayotgan Temur Olimxo'jaev boshchiligidlagi jamoa 30 avgust kuni Slovakiya o'smirlar terma jamoasiga qarshi birinchi o'rtoqlik uchrashuvini o'tkazib, 1:1 hisobida durang o'ynadi.

O'zbekiston U-16 terma jamoasi uchrashuvning 21-daqiqasida hisobni ochdi. Birinchi bo'lim nihoyasiga yaqin, o'yinning 39-daqiqasida esa evropaliklar hisobni tenglashtirdi. Ikkinchi bo'limda esa darvozalar dahlsizligi saqlanib qolindi – 1:1.

Takidlash kerakki, jamoalar o'zaro ikkita o'rtoqlik ucharshuvi o'tkazish borasida kelishuvga erishgan. Ikkinchi ucharshuv 1 sentyabrda o'tkaziladi. O'zbekiston o'smirlar terma jamoasi Toshkentga 3 sentyabrda qaytib keladi va bir haftalik o'quv-mashg'ulot yig'inlari olib borib, 9 sentyabr kuni Hindistonga yo'l oladi.

Eslatib o'tamiz, O'zbekiston o'smirlar terma jamoasi Osiyo chempionati final bosqichida KXDR, Tailand hamda Yaman o'smirlar terma jamoalari bilan bir guruhdan o'rin olgan.

Havola :

Manba : the-uff.com

Yangiliklarni Telegramda o'qing!

Reyting: +7