O'FA: O'zbekiston MTJning tarkibi Superliganing 10-turidan keyin elon qilinadi

Dastlab, 2 iyun kuni Alanya shahrida Turkiya milliy terma jamoasiga qarshi, keyin esa 7 va 11 iyun kunlari Toshkentda KXDR va Suriya terma jamoalariga qarshi bahs olib boriladi.

Mazkur o'rtoqlik o'yinlariga tayyorgarlik ko'rish maqsadida Ektor Kuper boshchiligidagi milliy terma jamoamiz 28 may kuni Toshkentda yig'inga kirishadi. Mazkur yig'inga jalb qilingan futbolchilar nomi Superliganing 10-turidan keyin 27 may dushanba kuni elon qilinadi. CHunki shanba va yakshanba kunlari bo'lib o'tadigan tur uchrashuvlarida milliy terma jamoaga nomzod bo'lgan futbolchilar jarohat olib qolishi va boshqa kutilmagan holatlar ro'y berishi mumkin. SHu sababli Ektor Kuper to'liq ro'yxatni elon qilish uchun Superliganing 10-turi yakuniga etishini kutishga qaror qildi.

O'zbekiston milliy terma jamoasi 28 may kuni Toshkentda boshlanadigan yig'in davomida "Sity Palace" mehmonxonasida joylashib, "Jar" stadionida mashg'ulot olib boradi. 31 may kuni O'zbekiston milliy terma jamoasi delegaciyasi Toshkent-Istambul-Antaliya yo'nalishi bo'ylab Turkiyaga yo'l oladi. U erda 2 iyun kuni Alanya shahridagi "Alanya Stadium" o'yingohida Turkiya milliy terma jamoasiga qarshi o'rtoqlik o'yini o'tkaziladi.

SHundan so'ng milliy terma jamoamiz azolari 3 iyun kuni yarim tunda Toshkentga qaytib kelib, yig'inni davom ettirishadi.

7 va 11 iyun kunlari Toshkentdagi "Milliy" stadionda KXDR va Suriya terma jamoalariga qarshi o'rtoqlik o'yinlari bo'lib o'tadi. 12 iyun kuni esa yig'in yakuniga etadi va terma jamoaga jalb qilingan futbolchilar o'z klublariga qo'yib yuboriladi.

Kuper OCHLda ketma-ket gol urgan Abduxoliqov va Sergeevni yig'inga jalb etadi