O'zbekiston - KXDR uchrashuvini Olmaliqqa ko'chirsak bo'lmaydimi?
17 avg 13:16
Yangiliklar
![](https://championat.asia/upload/storage/799066_original.jpg)
![](/upload/storage/799066_220.jpg)
O'zbekiston - KXDR uchrashuvini Olmaliqqa ko'chirsak bo'lmaydimi?
OFK kuni kecha mazkur bahs "Bunyodkor" stadionida o'tishi haqida elon qildi. Biroq "Bunyodkor" stadionida o'tayotgan oxirgi uchrashuvlardan ko'rinib turibdiki maydon bunchalik ko'p o'yinlarga dosh bera olmayapti. SHaxsan o'zim ikkinchi davra boshidan buyon "Bunyodkor" stadionidagi uchala o'yinga ham borib rasm oldim. To'g'risi maydonga ham, futbolchilarga ham rahmim keldi.
5 sentyabrga qadar bu stadionda yana ikkita o'yin bo'lib o'tar ekan:
23 avgust "Lokomotiv" - "Qizilqum"
25 avgust "Bunyodkor" - OKMK
Kuni kecha o'tgan "Bunyodkor" - "Paxtakor" uchrashuvida mehmonlar yarim himoyachisi Ibrohim Ibragimov aynan maydon tufayli jarohat olganini ko'pchilik eshitdi.
Stadion xodimlari har qancha zo'r ishlashmasin har haftada ikkitadan o'yin bo'laversa dunyodagi deyarli hech bir tabiiy maydon bunga dosh bera olmaydi. SHunday ekan, KXDRga qarshi sentyabr oyidagi bahsni Olmaliq shahridagi OKMK stadioniga ko'chirsak nima bo'ladi?
Jahon chempionati saralashining bu bosqichida har bir ochko va har bir gol juda ham katta ahamiyatga ega ekanini o'zbekistonlik futbol muxlislari yaxshi bilishadi. SHu bois, KXDR bilan o'yinni ideal maydonda o'tkazib, saralash bosqichini 3 ochko bilan boshlash shart. Futbolchilarimiz ham raqib, ham maydon bilan kurashmasliklari kerak.
Xo'sh, stadionni o'yinga qancha vaqt qolganida o'zgartirish mumkin? Aslida O'FA 1 oy oldin OFKga stadionni taqdim etishi kerak. Lekin fors-major holati bo'lsa o'yinga oz qolganida ham stadionni o'zgartirsa bo'lar ekan. Yani hali vaqtimiz bor ekan.
O'ylab ko'rish uchun ham vaqtimiz bor.
Jahongir Fayzullaev
O’xshash yangiliklar
![AMP Logo](https://championat.asia/image/logo-amp.png)
Fikrlar
Yo boʻlmasa qarshi, yoki fargʻona variantlarini koʻrib chiqish kerak