Otabek Narzullaev: “Jamoamga yordam berishga tayyorman”

Uchrashuv oldidan navoiyliklar yarim himoyachisi Otabek Narzullaevning fikrlari bilan qiziqdik.

-Jarohat tufayli oxirgi turlarda maydonga tusha olmadim, - deydi Otabek Narzullaev. - Ayni chog'da o'z jamoamga yordam berishga tayyorman. So'nggi turlarda “Qizilqum” jamoasi kutilmagan natijalarni qayd etib, o'z muxlislarini ranjitdi. Bugun o'z maydonimizda chempionat peshqadamlaridan biri “Nasaf”ga qarshi o'ynaydi. Bu o'yinda g'alaba biz uchun ham, muxlislarimiz uchun ham juda muhim. Raqibimiz nomdor jamoa bo'lsa-da, ularga qarshi bemalol g'alaba uchun o'ynasa bo'ladi.
Muhimi, jamoamiz tarkibida jiddiy yo'qotishlar yo'q. Navbatdagi bahsda ijobiy natijani qo'lga kiritish uchun bor kuch va mahoratimizni ishga solamiz.

“Qizilqum” PFK Matbuot xizmati.