Osiyo Kubogiga 200 kun qoldi

Bugundan 3-tur bahslariga start beriladi. Albatta, JCH o'yinlarini kuzatar ekansan, terma jamoamizning saralash bosqichida Janubiy Koreya bilan bir xil ochko to'plab ham mundialga bora olmagani alam qiladi. Lekin hech qisi yo'q deymiz, chunki oldimizda kelasi yilning boshida Avstraliyada bo'lib o'tadigan Osiyo Kubogi turibdi.

Biz shu musobaqada ishtirok etamiz, shunday ekan qita birinchiligiga bo'lgan qiziqish jahon chempionatinikidan kam bo'lmaydi deb o'ylaymiz. Osiyo chempionati start olishiga bugundan boshlab 200 kun qoldi. Bu musobaqada terma jamoamiz oldiga kamida yarim finalga etib borish vazifasi qo'yilishi turgan gap.

Mirjalol Qosimov jamoasi may oyida Ummonga qarshi ikkita o'rtoqlik uchrashuvi o'tkazdi. Buyog'iga nazorat bahslari yana davom etadi. Terma jamoamiz Osiyo Kubogida “V” guruhida kurash olib boradi. Raqiblarimiz: S.Arabistoni, SHimoliy Koreya va Xitoy.