Osiyo chempionatiga (U-19) 24 aprel kuni qura tashlanadi
08 apr 2014 08:39
Yangiliklar

Osiyo chempionatiga (U-19) 24 aprel kuni qura tashlanadi

Xabaringiz bor, o'tgan dam olish kunlari kuzda Tailandda bo'lib o'tadigan o'smirlar o'rtasidagi Osiyo chempionatiga (U-16) qura tashlash marosimi bo'lib o'tdi.

Temur Olimxo'jaev boshchilik qilayotgan o'smirlarimizning guruh bosqichidagi raqiblari malum bo'lgandi.

9-23 oktyabr kunlari Myanma davlati mezbonlik qiladigan yoshlar o'rtasidagi Osiyo chempionatiga (U-19) 24 aprel kuni qura tashlanadi.

Ushbu chempionatda ishtirok etuvchi 16 jamoaning nomi aniq bo'lib ulgurgan. Ular orasida O'zbekiston yoshlar terma jamoasi ham bor. Sergey Lushan boshchiligidagi O'zbekiston yoshlar terma jamoasi aprel oyi so'nggida o'z raqiblari nomini bilib oladi.

Osiyo chempinatida (U-19) qatnashadigan jamoalar: Myanma, Indoneziya, Eron, Iroq, Yaponiya, Ummon, KXDR, Qatar, BAA, Vetnam, Xitoy, Avstraliya, Janubiy Koreya, O'zbekiston, Tailand, Yaman.

Eslatib o'tamiz, O'zbekiston yoshlar terma jamoasi 2012 yil BAAda bo'lib o'tgan (U-19) Osiyo chempionatida yarim finalga qadar etib borgandi.

Havola :

Manba : championat.asia

Yangiliklarni Telegramda o'qing!

Reyting: