O'sha gap, "Lokomotiv" - tramplin!
11 fev 2020 12:35
Yangiliklar
Ko'p yillar "temiryo'lchilar" uchun to'p tepib O'zbekiston chempioni, O'zbekiston Kubogi hamda Superkubogi sohibiga aylangan Sardor Mirzaev Tailandning eng kuchli klublaridan biri "Muangton Yunayted" bilan shartnoma imzoladi.
Xabaringiz bor, bungacha tajribali himoyachi Islom To'xtaxo'jaev Xitoyning "SHenyang Urban" jamoasi safiga ko'chib o'tgandi. Oradan ko'p o'tmay mohir yarim himoyachi Jamshid Iskanderov Janubiy Koreyaning "Seongnam" klubi bilan shartnoma tuzdi.
Yaqinda esa yosh iqtidorli futbolchi Oston O'runov "Lokomotiv"dagi faoliyatidan keyin Rossiyaning "Ufa" klubi bilan kelishuvga erishdi. Mana endi yana bir hujumkor yarim himoyachimiz Sardor Mirzaev ham legionerga aylandi va faoliyatini Tailand chempionatida davom ettiradi. Bundan tashqari, o'tgan mavsum malum muddat jamoaga ustozlik qilgan Samvel Babayan Xitoyning "CHanchun Yatay" klubiga bosh murabbiy bo'lganini muxlislar yaxshi biladi.
Bundan ko'rinib turibdiki, "Lokomotiv" chin manoda murabbiy va futbolchilar uchun tramplin. Klub har yil o'z oldiga yuqori maqsadlar qo'yish bilan birga chetga futbolchi transfer qilishni ham kanda qilmayapti.
Yaxshi bilasiz, o'z paytida aynan "Lokomotiv"dagi faoliyati sabab Temurxo'ja Abduxoliqov bilan Sanjar SHoahmedov Qatarning "Al Sayliya", Ikrom Aliboev Janubiy Koreyaning "Seul FK", Ignatiy Nesterov Saudiya Arabistonining "Ohod" hamda Sardor Rashidov Portugaliyaning "Nasonal" klubi azosiga aylangandi.
Jamoamizni bu mavsum ham asosiy o'yinchilar tark etgan bo'lishiga qaramay, klub o'z oldiga qo'yilgan vazifalarni bajarishda davom etadi.
SHu o'rinda legionerga aylangan barcha futbolchilarga "Lokomotiv"dagi sermazmun faoliyat uchun tashakkur bildirib, kelajakdagi ishlariga omad tilab qolamiz.
"Lokomotiv" PFK matbuot xizmati.
19.12.2019 chiqqan maqola - "Lokomotiv" - tramplin!
O’xshash yangiliklar
![AMP Logo](https://championat.asia/image/logo-amp.png)
Fikrlar