"Oq-tepa": Peshqadam irodali tarzda mag'lub etildi

"Oq-tepa" o'z maydonidagi ilk bellashuvda 2-turdan so'ng turnir peshqadami bo'lib turgan Namanganning “Xotira-79” klubini qabul qildi. Uchrashuv juda qiziqarli, asabiy hamda kurashlarga boy tarzda kechdi. Aleksandr Mochinov boshlang'ich tarkibda bir qator o'zgarishlarni amalga oshirdi. Xususan, jamoamizning ko'p yillik sardori Zokir Miraahmedov o'yinni asosiy tarkibda boshladi. Qolaversa, dastlabki ikki bahsda zaxirada qolgan darvozabon Asilbek Omonov ham to'qson daqiqa to'p surdi. Bu o'zgarishlar samarasini berdi.

Bellashuvning birinchi bo'limida hisob ochilgani yo'q. Tanaffusdan so'ng raqibni maydon markazidan deyarli o'tkazmagan jamoamiz qarshi hujumlarning birida jazolandi. 75-daqiqada himoyachilarimizning etiborsizligidan unumli foydalangan Islom Isoqjonov to'pni Omonovning ustidan oshirib, hisobni ochdi – 0:1. O'tkazib yuborilgan goldan so'ng yana katta kuch bilan oldinga tashlangan futbolchilarimiz so'nggi daqiqalarda irodalarini namoyish qilishdi. Dastlab, zaxiradan maydonga tushgan Xurshid Yo'ldoshev 25 metrlardan belgilangan jarima zarbasini ajoyib tarzda bajardi. Uning zarbasi darvoza ustuniga tegib maydonga qaytdi. Qaytgan to'pga iqtidorli futbolchi Alisher SHog'ulomov etib keldi va hisobni tenglashtirdi – 1:1. Gol o'yinning bosimini yanada oshirdi. Hakam tomonidan qo'shib berilgan daqiqalarda o'ng qanotdan hujumga o'tgan Sergey Rekun g'alaba to'pini kiritdi – 2:1. SHu tariqa “Oq-tepa” irodali g'alabaga erishib, hisobidagi ochkolar sonini 6taga etkazib oldi.

O'zbekiston Birinchiligi. 3-tur
“OQ-TEPA” – “XOTIRA-79” – 2:1 (0:0)
11 aprel. Toshkent. “Oq-tepa” stadioni. 846 tomoshabin.
Bosh hakam: Ahmadjon Ergashev (Toshkent).
Qanot hakamlari: Jasur Muxtorov (Toshkent), Davron Akmalov (Toshkent).
Zaxiradagi hakam: Dilshod Karimov (Toshkent).
Nazoratchi: Temur Do'stov (Buxoro).
“Oq-tepa”: Asilbek Omonov, Doniyor Usmonov, Temur Turdiev (Sergey Rekun, 80), Nodirjon Sadullaev, Alisher SHog'ulomov, Nikita Pavlenko (Farhod Miraahmatov, 88), Xurshid Yo'ldoshev Xurramovich (Xurshid Yo'ldoshev Nabijonovich, 65), Maruf Ahmadjonov, Saidjon Topilov, Zokir Mirzaahmedov, Sergey Proxorov.
“Xotira-79”: Lochin Dolimov, Maqsud Hayitov, Sobit Vohidov, Komil Qo'chqorov (Anvar Siddiqov, 57), Islom Isoqjonov, Mirzohid Sobirov, Sanjar Asqaraliev, Bahrom Yo'ldoshev, Omil Mo'minov, Islom Abduqodirov.
Gollar: Islom Isoqjonov, 75 – 0:1. Alisher SHog'ulomov, 88 – 1:1. Sergey Rekun, 90+4 – 2:1.
Ogohlantirishlar: Islom Isoqjonov, 31. Omil Mo'minov, 39. Islom Abduqodirov, 40. Alisher SHog'ulomov, 41. Maruf Ahmadjonov, 67. Sanjar Asqaraliev, 73. Sergey Rekun, 90+1.