"Oq-tepa": “Bankirlar” bilan durang o'ynadik va yana yangilar haqida

“Oq-tepa” stadionida bo'lib o'tgan bellashuvda jangovor durang qayd etildi. Mehmonlar birinchi bo'limda “Oq-tepa” darvozasini ikki, tanaffusdan keyin bir marta ishg'ol qilgan bo'lsa, ikkinchi bo'limda o'z irodalarini namoyish qilgan futbolchilarimiz hisobni tenglashtirishni uddasidan chiqishdi.

Bugungi uchrashuvda “Oq-tepa” tarkibida bir qator yangi futbolchilar harakat qildi. Xususan, “Bunyodkor-2”dan taklif qilingan Davron Umirov, SHahzod Anvarov, mavsumning birinchi qismini “So'g'diyona”da o'tkazgan Elyor Jahonov hamda Vusol Mageramov, darvozabon Sulaymon Ahmedkarimov va muxlislarimizga yaxshi tanish bo'lgan Pavel Solomin jamoamiz safidagi ilk uchrashuvini o'tkazdi. Aytish kerak, Solomin “Oq-tepa” libosidagi birinchi o'yinidayoq o'z hisobiga gol yozib qo'ydi. Qolaversa, mavsum avvalida o'ta jiddiy jarohat olgan Yaroslav Krushelnickiy ham uzoq tanaffusdan so'ng safga qaytdi va maydonga tushdi.

Yuqorida takidlaganimizdek, “Oq-tepa”ning bir goliga Pavel Solomin mualliflik qilgan bo'lsa, yana bir gol zaxiradan maydonga tushgan Jo'rabek Sobirov hisobiga yozildi. Zafarjon Qoraqulovning goli jamoamizga durang keltirdi. Himoyachi 20 metrlardan belgilangan jarima zarbasini darvozaning to'qqizligiga joyladi.

 

O'rtoqlik uchrashuvi

OQ-TEPA – NBU-OSIYO – 3:3 (0:2)

5 avgust. Toshkent. “Oq-tepa” stadioni.

“Oq-tepa”: Sulaymon Ahmedkarimov (Rustam Dadaboev, 50), Vusol Mageramov (SHohruh Hikmatov, 84), Temur Yafarov (Yaroslav Krushelnickiy, 46), Jaloliddin Saidov (Temur Kagirov, 46), Farhod Miraahmatov (Zafarjon Qoraqulov, 46), Anvar Rahimov (Suhrobjon Sarimsoqov, 46), Sobir Usmonxo'jaev (Abdujalil Hasanov, 60), Elyor Jahonov (SHahzod Anvarov, 46), Ildar Magdeev (Davron Umirov, 46), Temur Hakimov (Berumiy Abdunabiev, 46), Pavel Solomin (Jo'rabek Sobirov, 61).

Gollar: Pavel Solomin, Jo'rabek Sobirov, Zafarjon Qoraqulov – Olim Navkarov (2ta), Orif Abdug'aniev.