"Oltin to'p" taqdirlash marosimi 23:30 da boshlanadi, reytingdagi o'rinlar esa 19:30 dan boshlab elon qilib boriladi

Jahon futbolidagi asosiy individual sovringa davogarlar reytingidagi o'rinlarni elon qilish Toshkent vaqti bilan soat 19:30 da start oladi. 22:00 gacha 30-o'rindan 11-o'ringacha o'rinlar ochiqlanadi.

Soat 23:30 da asosiy tantanali marosim boshlanadi, unda eng kuchli 10 nafar davogar va "Oltin to'p" sohibi hamda marosimning boshqa sovrinlari malum qilinadi.

SHuningdek, bugun ayollar "Oltin to'p"i, eng yaxshi darvozabon uchun Lev Yashin mukofoti, eng yaxshi hujumchi uchun Gerd Myuller mukofoti, eng yaxshi yosh futbolchi uchun Kopa Trophy, eng yaxshi klub mukofoti, shuningdek, "chempionlar tomonidan amalga oshirilgan birdamlikning eng yaxshi harakatlari uchun" Sokrates nomidagi sovrin topshiriladi. 

Bu yil "Oltin to'p" birinchi marta kalendar yilida emas, balki bir mavsumdagi ko'rsatkichlar natijalariga ko'ra topshirilishi kutilmoqda.

"Oltin to'p-2022"ni qo'lga kiritishga 30 nafar nomzod bor:

Tibo Kurtua ("Real", Belgiya)

Rafael Leau ("Milan", Portugaliya)

Kristofer Nkunku ("Leypcig", Franciya)

Muhammad Saloh ("Liverpul", Misr)

Joshua Kimmix ("Bavariya", Germaniya)

Trent Aleksander-Arnold ("Liverpul", Angliya)

Vinisius Junior ("Real", Braziliya)

Bernardu Silva ("Manchester Siti", Portugaliya)

Luis Dias ("Liverpul", Kolumbiya)

Robert Levandovski ("Barselona" / "Bavariya", Polsha)

Riyad Marez ("Manchester Siti", Jazoir)

Kazemiro ("Manchester Yunayted" / "Real", Braziliya)

Son Xyon Min ("Tottenxem", Janubiy Koreya)

Fabino ("Liverpul", Braziliya)

Karim Benzema ("Real", Franciya)

Filip Foden ("Manchester Siti", Angliya)

Harri Keyn ("Tottenxem", Angliya)

Sadio Mane ("Bavariya" / "Liverpul", Senegal)

Darvin Nunes ("Liverpul" / "Benfika", Urugvay)

Mayk Menyan ("Milan", Franciya)

Kevin de Bryuyne ("Manchester Siti", Belgiya)

Sebastyan Alle ("Borussiya" Dortmund / "Ayaks", Kot-d′Ivuar)

Luka Modrich ("Real", Xorvatiya)

Krishtianu Ronaldu ("Manchester Yunayted", Portugaliya)

Antonio Ryudiger ("Real" / "CHelsi", Germaniya)

Joau Kanselu ("Manchester Siti", Portugaliya)

Erling Holand ("Manchester Siti" / "Borussiya" Dortmund, Norvegiya)

Kilian Mbappe (PSJ, Franciya)

Virjil van Deyk ("Liverpul", Niderlandiya)

Dushan Vlaxovich ("Yuventus", Serbiya)

2021 yilda bu yil nomzodlar ro'yxatiga kiritilmagan parijliklar hujumchisi Lionel Messi o'zining ettinchi "Oltin to'p"ini qo'lga kiritgan edi.