Oliy liganing barcha snayperlari

O'zbekiston chempionati tarixida eng ko'p to'purar futbolchilarni "Neftchi" jamoasi taqdim etgan. "Neftchi" futbolchilari jami olti marotaba eng yangi to'purar sovrinini qo'lga kiritgan. Bu borada ikkinchi pog'ona "Bunyodkor" jamoasiga tegishli. "Qaldirg'ochlar"dan besh nafar futbolchi yilning eng yaxshi "snayperi" bo'lishga muvaffaq bo'lishgan.
Oliy liganing dastlabki "Oltin butsa"sini "Paxtakor" azosi Valeriy Kechinov o'ziniki qilib olgan. 1992 yilgi mavsumda Kechinov raqiblari darvozasiga 24 marotaba to'p kiritib, chempionatning eng yaxshi to'purariga aylangan.
Oliy ligada jami to'rt nafar legioner futbolchilar to'purar bo'lashgan. Bular Rivaldo, Milosh Trifunovich, Oleksandr Pishur va Artur Gevorkyan.
Oliy liga tarixida Alisher Xoliqov va Nosir Otaqo'ziev 2010 yili 13tadan gol kiritib, to'purarlar ro'yxatida etakchilikni bo'lib olishgan. Bu ko'rsatkich chempionatdagi eng past natija hisoblanadi. Jafar Irismetov esa 2000 yilda 45ta gol urib chempionatning eng yaxshi to'purariga aylangan va bir mavsumda eng ko'p gol urish bo'yicha rekord o'rnatgan.

Bu yilgi mavsumda kim to'purar bo'ladi? Bu savolga yana uchta turdan so'ng javobni olamiz. Hozir bu borada "Qizilqum" va "paxtakor" hujumchilari Bahriddin Vahobov va Igor Sergeev o'zaro raqobatlashishmoqda.
Hozirga qadar Vahobov hisobida 21ta gol mavjud, Igor Sergeev hisobida esa 20ta gol bor. Bu borada ham kurash so'nggi turgacha davom etishi aniq.

O'zbekiston chempionatining to'purarlari:

1992 - Valeriy Kechinov ("Paxtakor") 24 ta gol
1993 - Rustam Durmonov ("Neftchi")  24 ta gol
1994 - Ravshan Bozorov ("Neftchi")  26 ta gol
1995 - Oleg SHackix ("Navbahor")  26 ta gol
1996 - Oleg SHackix ("Navbahor"), Jafar Irismetov ("Do'stlik")  23 ta gol
1997 - Jafar Irismetov ("Do'stlik")  34 ta gol
1998 - Mirjalol Qosimov ("Paxtakor"), Igor SHkvirin ("Paxtakor") 22 ta gol
1999 - Umid Isoqov ("Neftchi"), Baxtiyor Hamidullaev ("Andijon") 24 ta gol
2000 - Jafar Irismetov ("Do'stlik")  45 ta gol
2001 - Umid Isoqov ("Neftchi")  28 ta gol
2002 - Baxtiyor Hamidullaev ("Andijon")  22 ta gol
2003 - Marsel Idiatulin ("Qizilqum"), SHuhrat Mirholdirshoev ("Navbahor")  26 ta gol
2004 - SHuhrat Mirholdirshoev ("Navbahor") 31 ta gol
2005 - Anvar Soliev ("Paxtakor") 29ta gol
2006 - Pavel Solomin ("Traktor") 21 ta gol
2007 - Ilhom Mo'minjonov ("Quruvchi") 21 ta gol
2008 - Server Jeparov ("Bunyodkor") 19 ta gol
2009 - Rivaldo ("Bunyodkor") 19 ta gol
2010 - Alisher Xoliqov ("Neftchi"), Nosir Otaqo'ziev ("Olmaliq") 13 ta gol
2011 - Milosh Trifunovich ("Bunyodkor") 17 ta gol
2012 - Anvar Berdiev ("Neftchi") 19 ta gol
2013 - Oleksandr Pishur ("Bunyodkor") 19ta gol
2014 - Artur Gevorkyan ("Nasaf") 18 ta gol

SHahboz Beg'amov tayyorladi