Oliy liga. "Buxoro" Bekobodda g'alabaga erishdi

O'yin “Metallurg”ning tezkor hujumlari bilan boshlandi. Mezbonlar 3-daqiqadayoq hisobni ochishlari mumkin edi. Ayubxon No'monov tepgan to'p darvoza ustuni bilan to'sini kesishgan nuqtaga tegib qaytdi.

10-daqiqada mehmonlarning birinchi xavfli qarshi hujumini Vadim CHemirtan bosh zarbasi bilan yakunladi. Zarba kuchsiz bo'ldi va to'pni Suhrobjon Sultonov egallab oldi.

Taym tugashiga besh daqiqa qolganda bekobodliklar qatorasiga ikki marta burchakdan to'pni o'yinga kiritib berishdi. Birinchi gal Dilmurod Karimovning bosh bilan bergan zarbasidan so'ng darvozabon to'pni yana maydon tashqarisiga chiqarib yuborgandi. Ikkinchi safar “Buxoro” himoyachisi to'pni qo'li bilan o'ynaganligi uchun hakam penalti belgiladi. Uni Ayubxon No'monov bexato amalga oshirib, hisobni ochidi – 1:0.

Hakam tomonidan qo'shib berilgan daqiqada Vadim CHemirtan chamasi 18 metrlar olislikdan jarima zarbasini ajoyib tarzda amalga oshirib, hisobni tenglashtirdi – 1:1.

Uchrashuv oxirida CHemirtanning pasidan so'ng SHavkat Salomov gol urdi - 1:2.

Metallurg (Bekobod) – Buxoro (Buxoro) 1:2

Hakamlar: T. To'xtasinov (Andijon), A. Maradjabov (Andijon), Z. Abduraxmonov (Andijon), K. Rasulov (Qarshi)

Nazoratchi: R. Serazetdinov (Toshkent).

O'zPFL vakili: R. CHernikov.

Gollar: Ayubxon No'monov 40 penalti, - 1:0. Vadim CHemirtan 45, - 1:1. SHavkat Salomov 89, - 1:2 (Vadim CHemirtan).

“Metallurg”: 32. Suhrobjon Sultonov, 4. (s) Hikmat Hoshimov, 6. Dilmurod Karimov, 7. Doniyor Odilov, 8. Ayubxon No'monov, 13. Javohir Esonqulov, 14. Davronbek Karimqulov, 15. Zohid Abdullaev, 22. Murodjon Toshmatov, 23. SHerzod Jalilov, 70. Jahongir Abdumo'minov (11. Farrux SHotursunov, 77).
Zaxira: 91. Zafar Safoev, 9. Farhod Namozov, 19. Ergash Ismoilov, 20. Ulug'bek Xudoyberdiev, 27. Muhammadodil Qahramonov, 77. Saidjon Abdujabborov.

“Buxoro”: 1. Muhiddin Xudoyorov, 8. Salamat Quttiboev, 10. (s) SHavkat Salomov, 18. Bahodir Pardaev (19. Jasur Hasanov, 46), 23. Aleksandr Merzlyakov, 55. SHavkatjon Mullajonov, 61. Aziz Ibragimov (17. Jamoliddin Ubaydullaev, 69), 70. Vadim CHemirtan, 85. Ruslan Melziddinov, 87. Alisher Sanoev, 93. Maksimillian Fomin (11. Sanat SHixov, 75).
Zaxira: 30. Asilbek Omonov, 7. Suhrob Nematov, 71. Anvar Rajabov, 97. Kamoliddin Murzoev.