Oliy liga. 13-tur ramziy terma jamoasi

"Olmaliq" bu turda o'z maydonida "Paxtakor"ga imkoniyat qoldirmadi. Jamoa posboni Xurshid Xodjaev uydagi o'yinlarda gol o'tkazmaslik seriyasini yana davom ettirdi. Etiborlisi "Olmlaiq" bu mavsumda o'z maydonidagi hech bir o'yinda to'p o'tkazgani yo'q! Xodjaev "sherlar"ga qarshi bahsda bir necha bor xavfli zarbalarni qaytarishga erishdi.

Himoyachi Rahmatullo Berdimurodov ham "Paxtakor" bilan o'yinda anchagina faol bo'ldi. Qanot himoyachisi bir necha bor hujumlarga ham o'tib turdi. SHunday vaziyatlardan birida u boshi bilan Lobanov qo'riqlayotgan darvozani ishg'ol qilib hisobni ochdi.

"Qizilqum" o'z uyida Muborakning "Mashal" klubini dog'da qoldirdi. Bu uchrashuvda himoyada SHukurali Po'latov raqib hujumlarini qaytarishda faol bo'ldi. Yarim himoyani esa doimgidek Erkin Boydullaev boshqarib turdi.

"So'g'diyona" ham bu turda g'alabaga erishdi. Davron Fayziev shogirdlari "Navbahor" ustidan 2:1 hisobida zafar quchishdi. Mezbonlar himoyasida Sardor Qulmatov raqib vakili Nemanya Yovanovichga gol urish uchun imkoniyat qoldirmadi. Sanjar Rashidov esa mavsumdagi 7-golini urdi.

"Dinamo" Farg'onada "Neftchi"ni 3:2 hisobida taslim qildi. SHu kuni Samarqand klubi safida Jasur Azimov anchagina faol harakat qildi. Uning uchrashuv boshida urgan goli esa juda chiroyli chiqdi.

"Lokomotiv" Buxoroda "Buxoro" ustidan g'alabaga erishdi. "Buxoro" sobiq yarim himoyachisi Salamat Qutiboev "temiryo'lchilar" safida zaxiradan maydonga tushib golli pas berdi va gol urdi.

"Nasaf" Qashqadaryo derbisida "SHo'rtan"ni taslim qildi. "Ajdarlar" yarim himoyachisi Bahrom Abdurahimov boshqalarga nisbatan faol harakat qildi. Bundan tashqari Abdurahimov gol urishga ham muvaffaq bo'ldi.

"Bunyodkor" o'z maydonida 11ta o'yindan buyon mag'lub bo'lmagan "Qo'qon-1912"ni qabul qilib g'alabaga erishdi. SHu kuni "qaldirg'ochlar" safida Dostonbek Hamdamov dublga erishdi.

"Metallurg" Toshkentda "Obod" ustidan 4:1 hisobida zafar quchdi. Bekobod klubi hujumchisi Zohid Abdullaev 3ta gol urib xet-trik rasmiylashtirdi. 

championat.asia sayti talqiniga ko'ra 13-turning ramziy terma jamoasi:

Darvozabon
Xurshid Xodjaev ("Olmaliq") (2-marta ramziy terma jamoada)

Himoyachilar
Rahmatullo Berdimurodov ("Olmaliq") (2)
SHukurali Po'latov ("Qizilqum") (2)
Sardor Qulmatov ("So'g'diyona") (2)

Yarim himoyachilar
Erkin Boydullaev ("Qizilqum")
Jasur Azimov ("Dinamo") (2)
Salamat Qutiboev ("Lokomotiv")
Bahrom Abdurahimov ("Nasaf") (3)

Hujumchilar
Doston Hamdamov ("Bunyodkor") (5)
Sanjar Rashidov ("So'g'diyona") (3)
Zohid Abdullaev ("Metallurg")