Ole Gunnar Sulsher: "APL g'olibligi uchun kurashadigan jamoa yaratmoqchimiz"

"Biz APL va boshqa musobaqalarning g'olibligi uchun kurashadigan jamoa yaratishni xohlayapmiz va shu sababdan eng yaxshi o'yinchilarimizni saqlab qolmoqchimiz.

Brunu yaxshi o'yinchilar bilan birga o'ynashi mumkin va u hamma narsani biladi. U uchtalik yarim himoyada, "to'qqizlik" va "romb"da ham o'ynashi mumkin. Biz unga o'zining eng yaxshi poziciyasini topib olishi uchun vaqt beramiz.

U - gol uradigan va pas beradigan yarim himoyachi, biroz Pol Skoulzga ham o'xshab ketadi. Ularning o'xshashligi - o'yinlarining qaynoqligida, ishtiyoqida va yutqazishni yomon ko'rishidadir. Raqamlari ham shunday", - deydi Sulsher.

Eslatib o'tamiz, APL doirasidagi "Manchester Yunayted" va "Vulverxempton" o'yini bugun Toshkent vaqti bilan soat 22:30da boshlanadi.