O'FF Prezidenti milliy terma jamoa murabbiylar shtabi bilan uchrashdi

30 dekabr kuni O'FF binosida tashkilot Prezidenti Mirabror Usmonov O'zbekiston milliy terma jamoasi murabbiylar shtabini qabul qildi. Uchrashuv chog'ida Mirabror Usmonov milliy terma jamoa bosh murabbiyi Mirjalol Qosimov bilan terma jamoaning Osiyo Kubogiga tayyorgarligi haqida suxbat qurdi. Bosh murabbiy terma jamoa Osiyo Kubogiga munosib tayyorgarlik ko'rganini va ushbu musobaqada sovrinli o'rinlarni egallab terma jamoa muxlislarini xursand qilishni maqsad qilganini aytib o'tdi. Qosimovga ko'ra, milliy terma jamoa mazkur turnirda sovrinli o'rinlardan birini egallashni maqsad qilgan.

O'FF Prezidenti Mirabror Usmonov mazkur musobaqa oldidan terma jamoa murabbiylar shtabiga, futbolchilarga omad tiladi va Osiyo Kubogidan katta g'alaba va yorug' yuz bilan qaytib kelishini tiladi.
Osiyo Kubogida ishtirok etadigan 23 nafar futbolchidan iborat tarkib va delegaciya azolari 2 yanvar kuni Avstraliyaning Sidney shahriga uchib ketadi. O'zbekiston terma jamoasi Osiyo Kubogidagi ilk uchrashuvida 10 yanvar kuni Sidney shahrida KXDR terma jamoasiga qarshi maydonga tushadi. Musobaqaning to'liq taqvimi haqida avvalroq malumot bergan edik.