Odil Ahmedov: “Oldingi o'yinda yo'l qo'yilgan xatolarni takrorlamaslikka urindik”

- Birinchi galda o'yin taascurotlari bilan o'rtoqlashsangiz...

- O'yinni nazorat qilishimiz kerak edi, bunga erishdik deb o'ylayman. Tezkor gol urib olganimiz foydamizga ishladi. Darvozani ishg'ol qilganimizdan so'ng bo'sh zonalar paydo bo'ldi. Ulardan foydalanishga harakat qildik. Umuman bunday o'yinlarda ko'proq gol urishimiz kerak edi.

- Biz ham sizga shu savol bilan murojaat qilmoqchi edik. Saudiya bilan o'yinda natijani o'ylab turib, Falastinga qarshi to'plar nisbatini yaxshilab olishga etibor berishimiz kerak edi. Xuddiki jamoa murabbiyning ko'rsatmasiga binoan to'p tepgandek bo'ldi. Bu aynan murabbiyning ko'rsatmasimidi yoki o'yindan kelib chiqib shunday yo'l tutildimi?

- Endi bu futbol. Ko'plab vaziyatlar yaratdik, ko'rdingiz. 1-0 qaltis hisobligi uchun, ikkinchi golni urishga harakat qildik. Baribir ruhiyat degan narsa bor. Orqaroqda xatosiz o'ynashimiz talab etilardi. Yigitlar o'tgan safargi o'yinda yo'l qo'yilgan xatolarni takrorlamaslikka urinishdi.