OCHL-2017. Dastlabki turda qaysi mamlakat klublari qancha ochko olishdi?
23 fev 2017 14:15
Yangiliklar
![](https://championat.asia/upload/storage/241654_original.jpg)
![](/upload/storage/241654_220.jpg)
OCHL-2017. Dastlabki turda qaysi mamlakat klublari qancha ochko olishdi?
Har bir mamlakat klublari ilk turda nechi ochko olgani haqida malumot to'pladik.
Afsuski O'zbekistoning ikki klubi ham musobaqani Saudiya Arabistonida mag'lubiyatlar bilan boshlashdi. "Lokomotiv" "Al Taavon"ga 0:1 hisobida, "Bunyodkor" esa "Al Ahli"ga 0:2 hisobida yutqazib qo'ydi.
G'arb mintaqasida Saudiya Arabistoni klublari (4 jamoa) eng ko'p ochko to'plashdi - 7. Ikki jamoasi bilan ishtirok etayotgan Qatar esa yuz foizli natija qayd etdi - 6 ochko.
Bizning mintaqada faqat O'zbekiston klublarigina g'alaba qozona olishmadi xolos. Boshqa davlat klublari kamida bir marta zafar quchishdi.
G'ARB MINTAQASI
Saudiya Arabistoni - "Al Taavon" (g'alaba), "Al Fateh" (mag'lubiyat), "Al Ahli" (g'alaba), "Al Hilol" (durang) = 7 ochko
Qatar - "Lahviya" (g'alaba), "Ar Rayyan" (g'alaba) = 6 ochko
Eron - "Istiqlol Tehron" (mag'lubiyat), "Istiqlol Xuziston" (g'alaba), "Persepolis" (durang), "Zob Ahan" (durang) = 5
BAA - "Al Ahli" (g'alaba), "Al Jazira" (mag'lubiyat), "Al Ayn" (durang), "Al Vahda" (mag'lubiyat) = 4 ochko
O'zbekiston - "Lokomotiv" (O'zbekiston), "Bunyodkor" (O'zbekiston) = 0 ochko
SHarq mintaqasida 6 mamlakat klublari ishtirok etishmoqda. Qizig'i dastlabki turda faqat Yaponiya va Xitoy klublari g'alabaga erishishdi xolos. Yaponiyaning to'rt klubi jami 10 ochko olgan bo'lsa, Xitoyning uchala klubi ham raqiblarini mag'lub etdi. Etiborlisi boshqa klublar Xitoy jamoalari darvozasiga gol ham ura olishmadi.
To'rt klubi bilan musobaqada qatnashayotgan Janubiy Koreya, Osiyoga qo'shilib olgan Avstraliya va bir klubga ega Tailand mamlakatlari ilk turni bir ochko bilan yakunlashdi. Bir klubi bilan OCHLda ishtirok etayotgan Gongkong O'zbekiston singari dastlabki turni 0 ochko bilan tugatishga majbur bo'ldi.
SHARQ MINTAQASI
Yaponiya - "Kashima Antlers" (g'alaba), "Urava Red Daymonds" (g'alaba), "Kavasaki Frontale" (durang), "Gamba Osaka" (g'alaba) = 10 ochko
Xitoy - "SHanxay SIPG" (g'alaba), "Guanchjou Evergrand" (g'alaba), "Jiangsu Suning" (g'alaba) = 9 ochko
Avstraliya - "Brisben Roar" (durang), "Vestern Sidney Uonderers" (mag'lubiyat), "Adelaida Yunayted" (mag'lubiyat) - 1 ochko
Tailand - "Muangtong Yunayted" - 1 ochko
Janubiy Koreya - "Ulsan Xyunday" (mag'lubiyat), "Seul" (mag'lubiyat), "Suvon Samsung" (durang), "Jeju Yunayted" (mag'lubiyat) = 1 ochko
Gongkong - "Istern" (mag'lubiyat) = 0 ochko
Narzulla Saydullaev tayyorladi
O’xshash yangiliklar
![AMP Logo](https://championat.asia/image/logo-amp.png)
Fikrlar