Nodirxo'ja Yuldashev bilan o'zbek futboli retrosi

Balki bugungi kunga kelib bu turnir o'z ahamiyatini yo'qotgan bo'lishi mumkin, ammo 90-yillarda uning nufuzi hozirgiga nisbatan ancha balandroq edi. Huddi, klublar o'rtasidagi MDH va Boltiqbo'yi mamlakatlari Kubogi kabi. Bizni chempion qilgan tarkibni bir yodga olsak, keyinchalik jahon terma jamoasi sharafini himoya qilgan Sergey Lebedev, Mirjalol Qosimov va Igor SHkvirin. SHuhrat Maqsudov hamda Ilhom SHaripov. Marhum Yuriy SHeykin. Andrey Fyodorov, aka-uka Do'rmonovlar. Abduqahhor Marufaliev, Ulug'bek Ro'zimov, Fevzi Davletov, Farhod Magometov, Aleksandr Tixonov, Azamat Abduraimov va bir marotaba bo'lsada maydonga tushgan Berdax Ollaniyozov. Balki bu futbolchilar hozirda siz kutgan vazifani to'liq bajara olmayotgandirlar, ammo bu ularning futbolchi sifatida tariximizda tutgan o'rnilariga soya sola olmaydi. Ha, aynan ularning o'yinlari orqali mustaqil o'zbek  futbolining tarixi yozila boshlagan edi.

Prezidentimiz bejizga “Tarixsiz kelajak qurib bo'lmaydi” demaganlar. Men ham tarixni yod olgim keldi. 2014 yilni boshqalardan ko'ra ko'proq kutdim. Sababi, yuqorida nomi zikr etilgan yulduzlarimiz bilan har oy uchun bir marotaba “Xirosima-94” loyihasi uchun eksklyuziv intervyu olishni maqsad qilgan edim. Ko'rsatuv shaklida ketishi rejalashtirilgan loyihamning ilk qahramoni Azamat Abduraimov bo'ldi. Aynan uning Janubiy Koreya terma jamoasi darvozasiga urgan goli biznikilarni finalga olib chiqqan edi. Bu alohida bir katta mavzu. Qo'shni yurtda bo'lib o'tayotgan chempionatning bosh sovrinini qo'lga kiritishni hammadan ham Janbuiy Koreya qo'proq istagandi.

Millionlab o'zbekistonlik muxlislarga Xirosima g'alabasini taqdim etgan 3 nafar futbolchimiz bugun Moskva shahrida istiqomat qilyaptilar. Bular, Ilhom SHaripov, Andrey Fyodorov va Aleksey Tixonov. Bundan ikki yil avval vafot etgan Yuriy SHeykinning oilasi esa Moskva ostonasida istiqomat qiladi. SHu boisdan, Moskva safariga otlandim. Bu maqolani blog shaklida yozsam etirozlar bo'lmasa kerak.

Kuni kecha “Paxtakor”da o'tgan yillarimni yodga oldim. Men uchun bir paytlar stadionga qadam qo'yishni o'zi bir sharaf edi. Yillar o'tib Geynrix, Tojiev, Nesterov, Suyunov, Magdeev, Ismoilov kabi mashhurlar bilan bir avtobusda o'yinlarga borishimni tasavvurimga ham sig'dira olmasdim. O'zbekistonning eng zo'r futbolchisi bo'lib etishgan Odil Ahmedov bilan esa avtobusning oldi qatorida birga o'tirib, gurung qilib qaytar edik. Eh, bu davrlar, o'zi uchar gilamlar...

Bugun esa men futbolimiz tarixida muqim o'rin tutgan faxriylar bilan yuzma-yuz ko'rishib, ularni suhbatlarini olish imkoniyatiga ega bo'lyapman. Futbol men uchun juda ko'p narsa berdi. Balki bugungi kun uchun futbolimiz biroz zerikarli tuyilayotgan bo'lishi mumkin, ammo uni ich-ichidan turib kuzatish va tarix zarvaraqlaridan o'rin olayotgan futbolchilarimiz bilan bir vazifani bajarish, shahsan men uchun juda katta manaviy ozuqa.

Har safar, “ey futbolingayam” deyman-u, bir kun o'tmay yana ishga boraveraman. CHunki hayotim mazmuniga aylanib ulgurgan soha bu. Bugun esa terma jamoamizning o'tmishdagi yulduzlarining xonadoniga tashrif buyurishni boshlayman. 10 kunlik safarim davomidagi rejam ulkan. Moskvadagi “Xirosima-94” yulduzlaridan tashqari, O'zbekiston uchun Odil Ahmedovni kashf qilgan Valeriy Nepomnyashiy suhbatini olamiz. Andrey Pyatnickiy va Valeriy Kechinov kabi sparatkchilarimizni hali beri unuta olmaysiz. Ular ham dasturimizdan o'rin olishgan. Yoshi katta muxlislar Mustaqil O'zbekiston chempionatida “Paxtakor”ning ilk golini urgan Oleg Sinelobovni yaxshi eslaydilar. U keyingi faoliyatini “Nosta” klubida davom ettirgan edi.

Farg'onaliklar, Volkov yodingizdami? Ha, bu o'sha keyingi faoliyatini “Torpedo” Moskvada davom ettirgan futbolchingiz. Xullas ishlar talaygina, orada Ahmedov va Denisov bilan eksklyuziv intervyular bizni kutib turibdi. Tabiiyki, “CHerkizovo” stadionida bo'lib o'tadigan “o'zbek” derbisi “Lokomotiv” – “Anji” foto obektivimiz nazaridan chetda qolmaydi.

Xullas, yaqin 10 kun va keyingi 2 oy “CA”dan uzoqlashmang! Sizni o'zbek futboli retrolariga bag'ishlangan mavsum kutyapti.

Nodirxo'ja Yuldashev