Neymar Messining PSJga moslashib ketishida qanday yordam bergani haqida gapirib berdi

"Biz Leo bilan anchadan beri tanishmiz. Men unga maydonda va mashg'ulotlarda yordam berdim, ko'p gaplashdik. Unga oson bo'lmadi, chunki u ko'p yillardan beri "Barselona"da yashardi. U va uning oilasi uchun ko'p narsa o'zgardi. Biroq hozir Parijda o'zini uydagidek his qilyapti. Men u uchun hammasi oson bo'lishini xohlayman. Oldinda bizni juda ko'p ishlar kutib turibdi, buni uddalay olamiz", – dedi Neymar.

30 yoshli Neymar joriy mavsum 8 ta o'yinda maydonga tushib, 9 ta gol urdi va 7 ta golli uzatmani amalga oshirdi. 35 yoshli Messi 8 ta uchrashuvda 4 ta gol urdi va 6 ta golga assistentlik qildi.