Nega “Andijon” posboni “Navbahor” futbolkasida maydonga tushdi?

Bunga nima sabab bo'ldi?
Mazkur holat bo'yicha “Andijon” klubi rasmiylari saytimizga tushuntirish berishdi. Unga ko'ra, Xurshid Xo'jaevga taqdim etilgan futbolkaning rangi “Andijon” o'yinchilarning kiyimi bilan o'xshash rangda bo'lgan.

SHu bois, hakamlar brigadasi qoidaga muvofiq tarzda undan foydalanishni taqiqlashgan. SHu bilan birga hakamlar brigadasi va uchrashuv nazoratchisi ikkinchi qoidani buzgan. Yani, bunday vaziyatda darvozabonga boshqa rangdagi futbolkadan foydalanish huquqini berishlari kerak edi. Ammo, hakamlar brigadasi va uchrashuv nazoratchisi “Andijon” jamoasida hali ikkinchi to'plam futbolkalari bo'lmaganligi uchun, Xurshid Xo'jaevga eski futbolkasida maydonga tushishga ruxsat bergan. Natijada posbon eski klubi, yani “Navbahor”ning ramzi va mahsulot brendi tushirilgan joylarni bo'yab maydonga tushgan.

Aynan shu holat yuzasidan PFL rahbariyati, o'yinda ishtirok etgan rasmiylarga nisbatan chora ko'rishi mumkin.