"Neftchi": Nazorat uchrashuvida “Metallurg” bilan durang o'ynadik

SHu kuni futbolchilar ertalab, “Futbol-MED”da tibbiy ko'rikdan o'tdi. Kechki payt esa rejaga ko'ra, CHirchiq shahrida Bekobodning “Metallurg” jamoasi bilan sinov-nazorat uchrashuvi o'tkazildi.

Bahs o'rtoqlik o'yini maqomini olgani uchun jamoalar natijadan ham ko'ra, ko'proq o'yin uslubni yanada mustahkamlashga etibor qaratdi.

Uchrashuvda garchi gol urish uchun har ikki jamoada ham imkoniyatlar yuzaga kelgan bo'lsa-da, hisob ochilmadi.

SHu kuni Murod Ismoilov futbolchilarni ikki tarkibga ajratgan xolda, barcha o'yinchilarga imkoniyat berdi.

Birinchi bo'limda: G'ayrat Hasanov, Ruslan Melziddinov, Jahongir Mehmonov, Dilyorbek Irmatov, Saydullo Rahmatov, Aleksandru Onika, Izzat G'aniev, Akmal Xolmatov, Andrey Akopyanc, Otabek Zokirov, Nosir Otaqo'ziev.

Ikkinchi bo'limda: Sardor Qobuljonov, Iqbol Boboxonov, Ruslan Melziddinov (Jahongir Mehmonov), Abdulloh Olimov, Vyacheslav Ponomaryov, Muzaffar Muzaffarov, Javohir Rasulov, Umid Qodirov, SHerzod Hakimov, Pavel Smolyachenko, Ro'zimboy Ahmedov.

Mazkur o'yinda murabbiylar shtabi Murodbek Bobojonovga dam berishga qaror qildi. CHunki iqtidorli hujumchi jarohatdan keyin asta-sekin o'zini tiklab bormoqda.

Tarkibdagi o'zgarishlarga to'xtaladigan bo'lsak, Toshkentdagi yig'inning ilk kunida jamoaga tajribali futbolchi Akmal Xolmatov keldi. Undan tashqari birinchi davrada “Qo'qon-1912” ijarada o'ynagan va huquqiy jihatdan “Neftchi”ga tegishli bo'lgan iqtidorli hujumchi Umid Qodirov ham yana jamoamizga qaytdi. Bundan tashqari yana bir nechta futbolchilar yig'inga kelishi kutilmoqda.

 Eslatib o'tamiz, bugun ham “Neftchi” sinov-nazorat o'yinida maydonga tushadi. Navbatdagi raqib birinchi liga vakili “Qo'qon-1912” jamoasi bo'ladi. Mazkur o'yin “Qiziltog'”da o'tkazilishi rejalashtirilgan.