"Neftchi" FK: "Legionerlardan qarzdorlik yo'q, faqatgina..."
10 iyu 2021 10:33
Yangiliklar
![](https://championat.asia/upload/storage/647957_original.jpg)
![](/upload/storage/647957_220.jpg)
"Neftchi" FK: "Legionerlardan qarzdorlik yo'q, faqatgina..."
Joriy yilning 6 iyul kuni O'zbekiston futbol associaciyasi Ijroiya qo'mitasi Byurosining "O'zbekiston Professional futbol ligasi musobaqalarini tashkil qilish va o'tkazish, shuningdek, mazkur musobaqalarda ishtirok etuvchi futbol klublari faoliyati bilan bog'liq ayrim masalalarni ko'rib chiqish to'g'risida" gi 03-sonli qarori elon qilindi.
SHundan kelib chiqib, "Neftchi" futbol klubiga ham legioner futbolchilarni ro'yxatdan o'tkazish bo'yicha taqiq qo'yilganligi malum bo'ldi.
"Neftchi" futbol klubi shuni malum qiladiki, ayni damda "Neftchi" ixtiyorida bo'lgan va jamoa tarkibida avvalgi mavsumlarda harakat qilgan xorijiy legionerlardan qarzdorligi yo'q. Pro ligada badal to'lovi bo'yicha esa oz miqdorda qarzdorligi mavjud va tez kunlarda bu holatni bartaraf etish uchun chora-tadbirlar belgilangan.
O'zbekiston Futbol associaciyasining mazkur qarori elon qilingach, ushbu holat ijtimoiy tarmoqlarda turli muhokamalarga sabab bo'ldi. Aytib o'tish joiz, "Neftchi" futbol klubi oldidagi qarzdorligi yuqorida takidlanganidek yaqin kunlar ichida bartaraf etiladi.
O'zbekistonning besh karra chempioni,bir necha kumush va bronza medallari sohibi,OCHL musobaqalarida yurtimiz sharafini munosib va muvaffaqiyatli himoya qilgan "Neftchi" klubi o'zbek futboli imijini yanadayam yuqoriga ko'tarishga o'z hissasini qo'shib kelmoqda.
Muxlislardan klubimizga oid turli tasdiqlanmagan xabarlarga ishonib qolmasliklarini so'rab qolamiz. "Neftchi" futbol klubiga oid xabarlar rasmiy sahifalarimiz orqali elon qilib boriladi", - deb yozadi "Neftchi" klubi matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar