"Neftchi" yarim himoyachisi jamoadan ketdi

"Ayni kunlarda davralar oralig'idagi yozgi transfer jarayoni davom etmoqda va jamoalar tarkibida o'zgarishlar yuz berishi tabiiy holga aylangan. Shu qatori, mavsum boshida "Neftchi"ga kelib qo'shilgan yarim himoyachi Shohruh Gadoev bilan amaldagi shartnoma o'zaro kelishuv asosida bekor qilindi", – deyiladi xabarda.

33 yoshli vinger joriy mavsum farg'onaliklar safida 8 o'yinda qatnashib, 1 ta gol urdi hamda 1 ta golga assistentlik qildi. Transfermarkt portali tajribali o'yinchini 100 ming evroga baholamoqda.