Rodri diskvalifikaciya qilinishi mumkin

Ushbu qaror futbolchining "Tottenxem"ga qarshi 2:2 hisobidagi durangdan keyin bergan intervyusi bilan bog'liq.

1 fevral kuni "Manchester Siti" jarohatlar bilan muammoga duch kelgan "Tottenhem" mehmoni bo'ldi. Ko'pchilik mehmonlar uchun bu uchrashuv oson g'alaba bilan yakunlanadi, deb o'ylagan edi.

Biroq Pep Gvardiola shogirdlari uchun o'yin odatdagidek og'ir kechdi. Rayan Cherki va Antuan Semenoning birinchi taymdagi gollaridan keyin "Siti" oldinga chiqib oldi, ammo londonliklar ikkinchi taymda hisobni tenglashtirishga muvaffaq bo'lishdi.

Uchrashuvdan so'ng Rodri hakam Robert Jonsning bir epizoddagi qaroriga nisbatan keskin fikr bildirdi va bu katta bahslarga sabab bo'ldi.

Eng bahsli vaziyat ikkinchi taymda ro'y berdi. "Tottenhem" hujumchisi Dominik Solanke himoyachilar Abduqodir Husanov va Mark Gehini xato qilishga majbur qildi, natijada Gehi o'z darvozasiga to'p kiritib qo'ydi.

Rodrining takidlashicha, Solanke himoyachining oyog'i orqasidan tepib, qoidabuzarlik qilgan va gol hisobga olinmasligi kerak edi.

"Biz xafamiz, chunki qo'pollik yaqqol ko'rinib turgan edi, u jamoadoshim oyog'iga tepdi", – dedi Rodri. "Bunday mayda detallarga etibor bermasak, hamma uchun qiyin bo'ladi, chunki bu liga mayda jihatlar bilan hal bo'ladi. Bilaman, juda ko'p g'alabaga erishyapmiz va odamlar yana g'alaba qozonishimizni istamaydi, ammo hakam betaraf bo'lishi shart. Bu adolatsizlik, chunki biz juda qattiq mehnat qilamiz. Barchasi tugaganda, odam o'zini xafa his qiladi".

Rodrining hakam "betaraf emas" degan mazmundagi ishoralari katta salbiy munosabatga sabab bo'ldi. Shuning ortidan FA rasmiy bayonot tarqatdi:

"Manchester Siti" futbolchisi Rodri 2026 yil 1 fevral kuni "Tottenxem"ga qarshi Premer-liga uchrashuvidan keyin bildirgan fikrlari uchun intizomiy ayblov bilan ayblandi. Uning flesh-intervyuda bildirgan fikrlari hakam yoki hakamlar shaniga putur etkazish, ularning xolisligiga shubha qilish sifatida baholanmoqda va bu Angliya futbol associaciyasi qoidalarining 3.1-bandiga zid hisoblanadi. Rodri 18 fevral, chorshanba kuniga qadar o'z javobini taqdim etishi kerak".

Muddatdan keyin ish mustaqil komissiya tomonidan ko'rib chiqiladi va eng ehtimoliy jazo – diskvalifikaciya hisoblanadi.

Eslatib o'tamiz, 2023 yil Angliya futbol associaciyasi "Liverpul"ning o'sha paytdagi bosh murabbiyi Yurgen Kloppni hakam Pol Tirni jamoasiga qarshi munosabatda bo'lyapti, degan gaplari uchun maydon chetida turish huquqidan mahrum qilgan edi.