“Navbahor”da ikki nafar serbiyalik va bir nafar braziliyalik legioner ko'rikdan o'tmoqda

Mazkur xorijlik futbolchilarning ikki nafari Serbiya, bir nafari esa braziliyalik.

Legionerlar rasmi 2Ular haqida batafsil to'xtaladigan bo'lsak, serbiyalik himoyachi Boyan Ciger 1994 yil, 18 iyunda Serbiyaning Maydanpek shahrida tug'ilgan. Faoliyati davomida Serbiyaning “Injiya” (Injiya, 2017-2018 yillar), CHernogoriyaning “Suteska Nikshich” (Nikshich, 2018 - 2020 yillar) jamoalarida o'ynagan. O'tgan mavsumdan buyon Serbiyaning “Rad” (Belgrad) jamoasida o'ynayotgandi.

Serbiyalik hujumchi Jelko Dimitrov 1994 yilning 19 fevralida Serbiyaning Pirot shahrida tug'ilgan. Faoliyati davomida Serbiyaning OFK (Belgrad, 2015-2016 yillar), “Dinamo Vrane” (Vrane, 2018-2019 yillar) Islandiyaning “Fyardaviggd” (2016-2017 yillar) jamoalarida to'p tepgan. O'tgan mavsumdan buyon Serbiyaning “Injiya” (Injiya) jamoasida o'ynayotgandi.

Braziliyalik himoyachi Portela De Akvino Saulo 1998 yil, 12 fevralda tug'ilgan. Faoliyati davomida Braziliyaning “Atletiko Mineyro” (2018-2019 yillar), “Verdes Mares” (2019 yil), “Uniao Mogi” (2019 yil), Nepalning “Frends” (2020 yil) jamoalarida o'ynagan. U joriy yildan boshlab, Gruziyaning “CHixura” (Sachxere) jamoasida o'ynayotgandi.

Mazkur legionerlar “Navbahor”da ko'rikdan o'tish uchun kelishgan. Ulardan qaysinisi jamoa murabbiylar shtabida yaxshi taassurot qoldirsa, o'sha futbolchi bilan shartnoma imzolanadi.

O'FA Superliganing 12ta, Pro liganing 7ta klubiga legionerlarni ro'yxatdan o'tkazish bo'yicha taqiq qo'ydi