“Navbahor”da 15 nafar legioner ko'rikdan o'tadi

Albatta, ushbu salbiy natija klub rahbariyatini qoniqtirmaganligi aniq. SHu bois, jamoa tarkibida jiddiy o'zgarishlar bo'lishi rejalashtirilmoqda. Xabaringiz bor, 17 dekabrdan qishki transfer “oynasi” ochildi va 2020 yilning 7 martigacha davom etadi. Mazkur vaqt oralig'ida “Navbahor” murabbiylar shtabi bir qator mahalliy va xorijlik mahoratli hamda tajribali futbolchilarni ko'rikdan o'tkazib, ulardan maqul kelganligi bilan shartnoma imzolaydi.

Malumotlarga qaraganda, “lochinlar” yangi mavsumga tayyorgarlikni 2020 yilning 7 yanvaridan boshlashadi. Mashg'ulotlarga jamoa bosh murabbiyi, rossiyalik mutaxassis Andrey Kanchelskis boshchilik qiladi. Kanchelskis Namanganga 6 yanvar kuni etib keladi.

7 yanvardan boshlanadigan mashg'ulotlarda bir qator mahalliy futbolchilar bilan birgalikda 15 nafar xorijlik o'yinchilarning ham ko'rikdan o'tishlari kutilmoqda. Mazkur futbolchilar Rossiya, Ukraina, Gollandiya, Makedoniya, Ispaniya, Portugaliya, Serbiya va Misr mamlakatlaridan yurtimizga tashrif buyurishadi.

O'z navbatida shuni ham qayd etish joizki, “Navbahor” tarkibini rasman rossiyalik hujumchi Aleksandr Kasyan tark etdi. Qolgan futbolchilarning taqdirlariga esa keyinchalik oydinlik kiritiladi.