"Navbahor": Yoshlarimiz Andijon terma jamoasi bilan kuch sinashishdi

Uychi tumanidagi "Paxtakor" o'yingohida o'tkazilgan o'yin futbolchilarimiz ustunligida o'tdi. Unda jamoamiz foydasiga 5:0 hisobida g'alab qozondi. SHuni ham takidlash lozimki, "yosh navbahorchilar" safida Sanjar Asqaraliev va G'ayrat Jo'raevlarni inobatga olmaganda asosan 16-17 yoshli futbolchilar maydonga tushirildi. Birinchi bo'limda Durbek Umaraliev shogirdlari raqib darvozasini ikki bor aniq nishonga olishdi. O'yinda hisobni jaroxatidan forig' bo'lib jismoniy xolatini tiklab borayotgan yarim himoyachimiz G'ayrat Jo'raev ochishga muvaffaq bo'ldi. Yoshlarimizning ikkinchi golini Ibrohim Ismoilov kiritdi. Ismoilovga to'pni G'ayrat Jo'raev etkazganini qo'shimcha qilish lozim. Bellashuvning ikkinchi yarmida ham yoshlarimiz hujumlarga boy futbol namoyish etishdi. Doniyor Inamov hisobni yirik ko'rinishga kelishini taminladi. Ushbu o'yinda murabbiylar futbol maktablarida yorqin o'yin ko'rsatib kelayotgan o'yinchilarni sinovdan o'tkazishga qaror qilishdi. Berilgan imkoniyat o'zini oqladi deyish mumkin. Ismoil Abduraimov hisobni yanada yiriklashtirshni uddalaganidan so'ng zaxiradan maydonga tushgan 16 yoshli kelajagi porloq futbolchimizdan biri Abdulaziz Jalilov xal qiluvchi beshinchi to'pni o'z nomiga gol yozdirib qo'ydi.

"Navbahor" uchrashuvni quyidagi tarkibda boshladi: Mirzoxid Mamatxanov, Xojiakbar Yunusov, Javohir Olimjonov, Aziz Mamazoitov, Toshpo'lat Nematov, Sanjar Asqaraliev, Bekzod Tursunov, Akbarali Xoldorov, Doniyor Inamov, Ibrohim Ismoilov, G'ayrat Jo'raev.
Zaxiradan maydonga tushganlar: Isroil Ergashev, Abdurauf G'ulomov, Bobur Rahmonov, Islom Abduqodirov, Abdulaziz Jalilov, Ismoil, Rahmatulla.
Gollar: G'ayrat Jo'raev, Ibrohim Ismoilov, Doniyor Inamov, Ismoil Abduraimov, Abdulaziz Jalilov.