“Nasaf” yosh iqtidorlarni kashf etishda davom etadi

Mazkur bellashuvdagi jangovar durangdan keyin qarshiliklar ochkolari sonini 10 taga etkazib, turnir jadvalida yakka peshqadamga aylanishdi.

Etiborli tomoni mazkur bellashuvda “Nasaf” tarkibida klub akademiyasi tarbiyalanuvchisi hisoblangan ikki nafar futbolchi Superligada debyut uchrashuvini o'tkazishdi.

16 yoshli Murodjon Xo'jamberdiev 74-daqiqada Jo'rabek Mannonovni o'rniga maydonga tushgan bo'lsa, 18 yoshli Xusayn Norchaev 85-daqiqada Oybek Bozorovni almashtirdi.

Bu ikki futbolchi Superliga bahslarida ilk marta “Nasaf” ustozi tomonidan maydonga tushirildi. Takidlash joizki, shu paytgacha Superligada to'p tepgan eng yosh futbolchi “Bunyodkor” azosi Jasur Jaloliddinov (2002) edi. Endi bu nom Murod Xo'jamberdievga tegishlidir.

Malumot uchun Murodjon XO'JAMBERDIEV – 2004 yilda Qamashi tumanida tug'ilgan. 2012 yilda “Nasaf” futbol akademiyasiga qabul qilingan. Birinchi murabbiyi Eldor Moyliev. Joriy mavsumdan o'rinbosarlar safida va asosiy tarkibga muntazam jalb etilmoqda.

Husayn NORCHAEV – 2002 yilda Yakkabog' tumanida tavallud topgan. Birinchi murabbiyi – Dadajon Tog'aev. “Nasaf” futbol maktabiga 2012 yilda qabul qilingan. 

Aziz NURIY.