Nagelsmann: "Agarda "Bavariya" ECHLni qo'lga kiritsa, qura omadli kelgan deb bo'lmaydi"

"Qurani murabbiylar shtabi bilan birgalikda tomosha qildik. Yaxshi va qiyin raqib. Agarda ECHL sovrinini qo'lga kiritadigan bo'lsak, bizga qura omadli tushgan deb bo'lmaydi.

Qiyin guruhdan chiqdik. Keyin PSJ bilan bahslar, endi esa "Siti". Balki yarim final ham top-darajada bo'lar. O'tgan mavsumda "Real" shu kabi og'ir yo'lni bosib o'tdi. Biz ham o'yinga yaxshi tayyorlanamiz va sabrsizlik bilan kutamiz.

Pep Gvardiolaning "Barselona", "Bavariya" va "Manchester Siti"dagi ko'plab o'yinlarini tomosha qilganman. Pepning jamoalari anchagina quvnoq. Uning g'oyalari ancha tajovuzkor va jamoalari to'p bilan ko'p bo'ladi. Uning jamoalari o'yinlarini bajonidil tomosha qilaman.

Erling Xoland - vaziyatlarni hal qiluvchi xavfli futbolchi. Tezlik va jismoniy jihatdan uning sifatlari yuqori. U tez yuguradi va unga qarshi o'ynash yoqimli emas. Biroq bizda ham yaxshi hujumchilar bor. O'z navbatida "Siti"ning tarkibi ham juda kuchli", - dedi Nagelsmann.