Myuller Inzagini quvib o'tib, ECHL tarixidagi eng yaxshi to'purarlar o'nligiga kirdi
02 dek 2020 20:40
Yangiliklar

Myuller Inzagini quvib o'tib, ECHL tarixidagi eng yaxshi to'purarlar o'nligiga kirdi

CHempionlar Ligasi 5-turi doirasida “Bavariya” safarda “Atletiko” (1:1) bilan murosa yo'lini tanladi.

Uchrashuvni zaxiradan boshlagan myunxenliklar azosi Tomas Myuller 2-taymda maydonga tushdi va bo'lim oxirlarida raqib darvozasiga belgilangan penaltini aniq amalga oshirdi.

Bu Myullerning musobaqadagi 47-goli bo'ldi va u eng yaxshi to'prarlar reytingida 10-o'ringa ko'tarildi. Tomas italiyalik sobiq hujumchi Filippo Inzagini (46 to'p) ortda qoldirdi.

Hisobida 48 tadan gol bo'lgan Zlatan Ibragimovich va Andrey SHevchenko esa 9-o'rinni bo'lishib turibdi.

Eslatib o'tamiz, “Bavariya” 6-tur doirasida 10 dekabrda “Lokomotiv” bilan bahslashadi va mazkur o'yinda Myuller o'z natijasini yaxshilab olish imkoniga ega bo'lishi mumkin.